[ضيف الله المتعاني العبسي]

(عنتره والنابغه )

عبسي وذبياني من أيام الزمان الجاهلي=من عصر قيس بن زهير وعنترة والنابغه
تاريخنا ماله وصيف ولا شبيه ولا حلي=كُفُّوا بلاكم يا مُجمّعة الهروج الفارغه
عدة عصور وكار نار الحرب منّا تصتلي=وفتنة الغبراء وداحس خير حجة دامغه
نار الحرايب ما خمدها غير حكم الفيصلي=عبدالعزيز العادل اللي كل مجداً بالغه
واليوم كم نسمع ونبصر في الزمان اللي تلي=لكن ما نصغي الأذان لكل كلمة زايغه
قل للذي يحسب سراب القيظ عداً ينجلي=ما كل ميراداً زلال وكل لقمة سايغه
عود البشام العطر ماهو مثل عرق الحنظلي=هذا مذاقه حالي وهذاك ما أحداً مالغه
والمعدن المغشوش لو لُمِّع من التبر اوطلي=لابد ما يجلي ويظهر معدنه يا صابغه
يا طالب الذبياني التاريخ يشهد لك ولي=وأفعالنا وأفعالكم مثل الشموس البازغه

( داحس والغبراء )

تخبرك يا ناشداً عنا فعايلنا=من ماضي الوقت حتى وقتنا التالي
جيران ذبيان في الماضي ولازلنا=لليوم وحنا سوا ع المر والحالي
من مدة الجاهلية كم تنازلنا=وكم صُبِحنا وصبّحنا من أموالي
وكم غًزينا وجمّلنا وخيّلنا=وكم غُُزينا وصالينا من أهوالي
أفعالنا البيض والله ما تخجلنا=لهم بنا أفعال ولنا فيهم أفعالي
حنا بني عبس ما تخفا منازلنا=يضرب بنا في الكرم والعز ألمثالي
أفعال تروى لتالينا عن أولنا=ماهي سواليف ناساً مالهم والي
في حرب داحس والغبراء قبايلنا=الوقت خلّد فعايلهم للأجيالي
تاريخ الاعراب ما يجهل بواسلنا=جمرة عرب ما نخاف إلا الله الوالي
من دون كسب الرجاله ما تكاسلنا=دون الشرف نرخص الأرواح والحالي
جلجل ونشوان بشموخه يمثلنا=وضلع قيس الرفيع الشامخ العالي

الموضوع الأصلي: عنتره والنابغه.. وداحس والغبراء | | الكاتب: ضيف الله المتعاني العبسي | | المصدر: شبكة بني عبس

[مرزوق العجوني]

صح لسانك اخوي العبسي ولا هنت وتقبل مروري

[حفيد الذيب]

صح لسانك اخوي العبسي
وتقبل مروري

[ضيف الله المتعاني العبسي]

اقتباس من مشاركة مرزوق العجوني صح لسانك اخوي العبسي ولا هنت وتقبل مروري

صح الله بدنك


اخوي مرزوق


ولاهنت


يالغالي

[ابومهندالعبسي]

احسنت كلامك حق وفقك الله وتقبل مروري
ابومهند العبسي

[العالمي]

صح لسان الشاعر