[غزلآن]

أكبر قهر لاجيـت تعشقلـك انسـان
واللي تحبه ساهـي ٍ مـا درى بـك


وأكبر قهر تحلم وتحلم لـك ازمـان
ويطيح حلمـك ميـت ٍ عنـد بابـك


وأكبر قهر تبني من سنيـن بنيـان
وتشوف بنٌيـك مـا تعـدى ترابـك


وأكبر قهر تسقي من الورد بستـان
وتموت بين يديـك زهـرة شبابـك


وأكبر قهر تارد على البير ضميـان
وتشوف بعض الطين حايس شرابـك


وأكبر قهر لاحطـوا النـاس نيشـان
كل ٍ يزٌهـب وانـت ضايـع زهابـك


وأكبر قهر ترهي على حصان خسران
يوم السبق لا طحت كل ٍ حكـى بـك


وأكبر قهر لاصرت ضايع وعطشـان
ونفس الطريق اللي يوديـك جابـك


وأكبر قهر صاحبك لا جـاك خـوٌان
لابحت له بالسـر راح ووشـى بـك


وأكبر قهر تعطـي وتعطـي علشـان
تاخذ عقـب كـل العطايـا حسابـك


كل ما سبق ذكره على الشوف ما كان
حفنة حروف ٍ مـع بعضهـا تشابـك


ماهوب هرج ٍ يِعجَـنْ بفـم وللسـان
ولاهوب عود ٍ يكسـره حـد نابـك


إن كنت فيما قلـت تحتـاج برهـان
ناظر وتلقى فـي قصيـدي جوابـك


وإن كنت فيما قلت مخطي وغلطـان
أترك خطانا وأنـت عطنـا صوابـك

الموضوع الأصلي: أكبر قهرلاــــــــــ | | الكاتب: غزلآن | | المصدر: شبكة بني عبس

[عاشق الصحراء]

غصون الراكـ

صح وجدانك وسلمت اناملك

ع الرائعه
دمتي بكل خير

[الـرونـق]

صح لسااانج....

الله يعطيج العاااافيه غصوووون....

[ولد الشرقية]

صح لسانك يالغلا..

[هلالي صميم]

صح لسانك اختي غصووون الراك على هذه الابيات الرائعه

ويعطيك العافيه

[شداد المظيبري]

صوووووووووووووح لسانك

غصون الراك

[@كحيلان@]

صح لسانك على القصيدة الرائعه
وحنا في أنتظا ر جديدك
والله لايهينكي

[غزلآن]

صح بدانكم و ماعليكم زود
وتسلمووون على المرووور الرائع ...