[سعد الشقل]

السلام عليكم ورحمة الله وبركاته

انقل لكم هذه القصيده المعبره التي افتقدت اسم صاحبها ..//

حنـا قبايـل عبـس روس القبايـل=أهـل الشجاعـة والفخـر والفعايـل
تاريخنـا فـي وجـه الأيـام طايـل=من عهد قيس وعنترة ولـد شـداد
أهـل الجنابـي والخيـول المغيـره=تشهد لنا حدب السيـوف الشطيـره
وفعلنـا مشهـود فـي كـل ديــره=نرسي كما ترسي على الأرض الأوتاد
خضنا في الماضـي حروبـاً عديـده=ويامـا ثنينـا مـن رقابـاً عنيـده
مـا هـو كـلام إلا فعـولاً أكـيـده=خضنا الوغى بأجساد وقلوباً أشـداد
خمسة صُفف صُفه ورا جيـل صفـه=والحـرب قايـم والجحافـل مُلِـفَـه
اليـن كـلاً خـذ مـراده وشـفّـه=وأعلينا رايتنا علـى روس الاشهـاد
قوماً لنا في الحرب جولـه وصولـه=مغوارنـا كـلاً يُحـسـب نـزولـه
لا غار ما يرضـى بغيـر البطولـه=قوماً ليـا جـار الزمـن زاد وزنـاد
يوم المشفـع والرصـاص الثميـدي=والملـح والخفـان يـوزن بالايـدي
نسحق من البـارود شـي جديـدي=للحـرب وإلا للمحافـل والاعـيـاد
ومن الاثـب نفتـل ضـرام الفتيلـه=من قبل مـا تـورد علينـا النهيلـه
زمـان يـوم ان المـوارد قليـلـه=من قبل سـوق أم النياشيـن يـزداد
يا ناشداً عن عبس عنـدي طريقـه=انشد بنـي ذبيـان تلقـى الحقيقـه
عبس أهل تاريخ ومواقـف وثيقـه=عدّتهـم اعلـوم المعوبـه والانقـاد
أهل أصل وأمجاد وبطـولات وأفعـال=حرام ما نحسـب سواليـف ال؟؟؟؟؟
مثل الجبل من هبة الريح مـا مـال=شموخ متوارث من أجـداد لأحفـاد
ندقل كما دقـل السيـول الجـوارف=في يوم تسمع للرصـاص الغطـارف
بالبنـدق أومنـا حـدود الطـوارف=وسوقنا مـا بيـن الاسـواق يـرّاد
سـوق المراجـل والعلـوم الثمينـه=سوقـاً بــدم قلوبـنـا مفتديـنـه
أغلى على الرجال من شوف عينـه=واسمه ربوع العين يـا كـل نشـاد
سوقـاً مـا والله يجهلـه هابطينـه=كـل القبايـل والعـرب عارفيـنـه
من دونه أرجـال وشيوخـاً فطينـه=معمـور مـا نالـه منافـق وحسـاد
ومن سال عن متعان متعان من عبس=يشهد لنا التاريخ ذا اليوم وإلا امـس
دام الحقايق واضحـة زايـل اللبـس=ومن بغى تزييف الاعلام مـا سـاد
ذا بعض مما جال في وسط صـدري=ماجيت بعبّر علـى النـاس شعـري
وإلا إن في ربعي شموخي وفخـري=عبس الشداد اهل الشهامه والامجـاد

الموضوع الأصلي: العبسيه : ) | | الكاتب: سعد الشقل | | المصدر: شبكة بني عبس

[يعقوب العبسي]

بيض الله وجهك يامشرفنا العزيز على النقل الطيب وشكرا لك

[مرزوق العجوني]

صح لسان قائلها ولا هنت على نقلها ياسعد