[آهــذريــبــك]

تركي 2000
موال: تعال يافيصل العيه سرى ليك= انا من العام ناويلك وناويلك
علم(ن) يسدحك فوق الارض ويشيلك= الناس ماتعرف الا من معادنها

طاروق: احتزم يالرياحي جاك الالفين جاك= جيت(ن) يدفنونك ماتناسيتها
الله اللي هدى بعض العرب ماهداك = كل ماشفتلك قوم(ن) تحديتها

الرياحي
موال: ياتركي الفين يازينك وياحليلك= جيتك بقاف(ن) يعوضك عن مواويلك
قاف(ن) ينزلك تحت الارض ويحيلك= الناس ماتعرف الا من معادنها

طاروق: لاتحدى الرياحي قلل الله حلاك= يكفي علوم فيك العام سويتها
سمكروك الرجال وطورو مستواك= مير بعض المراكز ماتعديتها

تركي 2000
موال: كلمتك هذي نصيحه لاتعودها= ولا علي الملازيم لتوسدها
حتيش لو كان حجانك تعقدها= الناس ماتعرف............

طاروق: اتحداك في الميقاف وادهن ثواك= واحشر الجن واطوع عفاريتها
وانت في كل ليله وانت تزحف وراك= ولا انا من رجال(ن) شايع(ن)صيتها

الرياحي:
موال: العام يوم اليالي معك مشتطه= سكر عليك الطريق وخربت الخطه
وقطولك مطير ماعوضت فالقطه= الناس ماتعرف الا من..........

طوارك: انت لاشفتني وجهك رجع في قفاك= يوم مديتلك يمناي حبيتها
رابحن من يبيعك خاسرن من شراك= وارد الفين صوب السوق رديتها

تركي2000
موال: العام احدك واحد اللي على حدك= واخذ بك شوي في الميدان وردك
ماعندك الا الدموع اللي على خدك= الناس ماتعرف................

طاروق: مانقص مستواي ليا نقص مستواك= واعتبر كلمتك بالذن ماوحيتها
الجمل لن تعرضته طريقه وطاك= وان وطا الارض مايرحم منابيتها

الرياحي:

موال: علي شروط (ن) من العقال مفروضه= انا مفوض بربي شاعر الفوضه
ولا انت من زمانن مخاوي(ن) روضه=الناس ماتعرف الا...............

طاروق: زحلطت يامفرح كنها تي واتاك= ليه روحك مع الشيخان عنيتها
غني يابن عطالله والله اللي عطاك= ولا الالغاز لا والله ماحليتها

تركي200
موال: ودي اني اشاور اللي فكرهم صاحي= اخاوي الزين ولا اخاوي ارياحي
لا والله اللي غدت شنطتك يامناحي= الناس ماتعرف الا.......................

طاروق: انت مرضان يافيصل وعندي دواك= ليتها تصفي الايام ياليتها
الله اللي عطاني وانت قصر خطاك= لك حدود(ن) تشيب ماتعديتها

اتمنا ان تعجبكم وابشرو بالجديد ودمتم على خير

الموضوع الأصلي: محاورة قوية بين تركي2000 وفيصل الرياحي | | الكاتب: آهــذريــبــك | | المصدر: شبكة بني عبس

[راعي الشلفا]

الله يبيض وجهك يا حاكم ولا هنت على نقل المحاوره

لا والله اللي غدت شنطتك يامناحي ههههههههههههههه وهو صاج

[JljJjJl]

شكراً لك ياحاكم

[منصور بن صبح]

مشكور ياحاكم