[عابدالبراك]

زوار واعضاء منتديات قبائل بني رشيد ننقل لكم هذه المحاوره التي جرت بين شاعرنا الكبير عبدالرحمن خضير و الشاعر الكبير منيف منقره يوم الخميس الماضي الموافق 6/8/1429ه بقصر التاج للاحتفالات بتبوك على زواج ابن الشيخ راشد العطوي
عبدالرحمن:

يا سلام الله سلامن ما يقال الا محله=لرجال اللي لهم بالمعرفه قدر ومقامه
قدموا لمنيف ياهل المعرفه فنجال دله=ودنا ناخذ علومه فاليمن ولا بشامـه

منيف :

مرحبا ترحيبتن لا سمعهـا الغـادي تدلـه=في محل اهل النقا واهل الوفا واهل الزعامه
يا رشيدي هرجتك بيـن المعـزه والمذلـه=لكن انك ما عليك اخلاف وابشـر بسلامـه

عبدالرحمن:

بارك الله برجال اللـي كمـا نجومـن مطلـه=ودري ان المحترم يفرض على الناس احترامه
واعرف ان النجم لا حول على ضلعـن يهلـه=وانت وشبك تطمر من عدامـه فـي عدامـه

منيف :

قلتهـا واقولهـا دور مغـفـل تستغـلـه=بكره انلوط الجمل واعطيك قطعه من سنامه
انت لو تارد على الماء رحت حلقك ما تبله=لك علامه من ثمان سنين هي نفس العلامه

عبدالرحمن:

اعرف ان منيف رجال يشيل الحمـل كلـه=واخـر الايـام عيـن لا يشلنـه اعظامـه
ان وردنا الماء شربنا والوفي ما احدن يمله=وانت رجالن عليك عقال ما طيح العمامـه

منيف :

يا ملفات الخريطه بنشـرت فيهـا ترلـه=وترله حملها خفيف مثل ريـش النعامـه
الرشيدي حظـه القشـر معيـي ينعدلـه=كل ما يطري عليه منيف يصحي من منامه

عبدالرحمن:

الولد هذا لقينا صورتـه نـص المجلـه=والرشيدي يوم وصله ما جداه الا بتسامه
راس مالك ثوبن ابيض ما سكنت بكل فله=ورشى معروف ما بين المقامه والمسامه

منيف :

انت ما شفناك لكـن جفـل الرحـال ظلـه=اللعب اللعب يا جودي والنور جلاي الظلامه

الموضوع الأصلي: محاورة منيف منقره وعبدالرحمن خضيرالرشيدي | | الكاتب: عابدالبراك | | المصدر: شبكة بني عبس

[خالد الذيابي]

محاورة رائعه


نقض وفتل


شعراء كبار

استمتعنا بمحاورتهم
شكرا عابد على النقل

[عبد العزيز]

الله يعطيك العافيه على الطرح

[عابدالبراك]

اقتباس من مشاركة خالد الذيابي محاورة رائعه نقض وفتل شعراء كبار استمتعنا بمحاورتهم شكرا عابد على النقل

مشكور على مرورك الرئع ياخالد الذيابي

[عابدالبراك]

اقتباس من مشاركة عبدالعـزيز الله يعطيك العافيه على الطرح

مشكور على مرورك

[عبد الرحمن خضير]

عابد البراك أشكرك على النقل الرائع والله يعطيك العافيه
وكثرمن امثلك عند بنى رشيد

[ناصر الفلاح]

يا ملفات الخريطه بنشـرت فيهـا ترلـه

وترله حملها خفيف مثل ريـش النعامـه

الرشيدي حظـه القشـر معيـي ينعدلـه

كل ما يطري عليه منيف يصحي من منامه

بيت جميل في تشبية خيالي حيث شبه الدنة ب؟؟؟

[عابدالبراك]

اقتباس من مشاركة ناصر الفلاح يا ملفات الخريطه بنشـرت فيهـا ترلـه وترله حملها خفيف مثل ريـش النعامـه الرشيدي حظـه القشـر معيـي ينعدلـه كل ما يطري عليه منيف يصحي من منامه بيت جميل في تشبية خيالي حيث شبه الدنة ب؟؟؟

مشكور اخوى ناصر فلاح على مرورك