[حميد عزام]

سلام مني عد مبدا الطواريق=على الرجـال و لفحـات الجدايـل
سلام احلا من السعه من بعد ضيق=واحلا من المرباع بعـد المحايـل
واحلا من الفرحه بعد نشفت الريق=وبشرعقـب انقطـاع العقايـل
ياعارفين الضيق مايفرح الضيـق=ضاعت ذهوبي وقت برق و مخايـل
ماهي رعية ضيعوهـا الملاحيـق=وانشد عنه ولقاه باطـراف حايـل
في كل يوم يغيب طيـر ومسابيـق=لين اختفـت حتـى ورود الثمايـل
ياكثر ماتعبـو عليـه المخاليـق=اسمه يلـم سلـوم كـل القبايـل
واللي يعرف الاسم من دون تعليق=يفزع لنا فزعـت وفـي الخصايـل
بابيات جزلة تجعل النايـم يفيـق=قافن يصحي مـن ينـام القوايـل
هذا وبالرمعـة حظـوظ وتوافيـق=ولا بالجميع قصور والشـك زايـل

الموضوع الأصلي: ضاعت ذهوبي وقت برق و مخايـل | | الكاتب: حميد عزام | | المصدر: شبكة بني عبس

[فهد العايضي]

اخي حميد عزام انا ابي ارمع لي رمعه اذا ماهو الوسم وسم القبيله
ماعرف ولك مني جزيل الشكر على هاللغز بيض الله وجهك

[آهــذريــبــك]

صــــح لسانك

وشكرآ على النقل

[حميد عزام]

شكرا للجميع على من مر على هذه المشاركة وترقبو المزيد من المشاركات ان شاء الله


وين وين وين وين وين وين الرجال اللي يحلون الالغاز

[ناصر خنيفر]

اقتباس من مشاركة حميد عزام سلام مني عد مبدا الطواريق=على الرجـال و لفحـات الجدايـل سلام احلا من السعه من بعد ضيق=واحلا من المرباع بعـد المحايـل واحلا من الفرحه بعد نشفت الريق=وبشرعقـب انقطـاع العقايـل ياعارفين الضيق مايفرح الضيـق=ضاعت ذهوبي وقت برق و مخايـل ماهي رعية ضيعوهـا الملاحيـق=وانشد عنه ولقاه باطـراف حايـل في كل يوم يغيب طيـر ومسابيـق=لين اختفـت حتـى ورود الثمايـل ياكثر ماتعبـو عليـه المخاليـق=اسمه يلـم سلـوم كـل القبايـل واللي يعرف الاسم من دون تعليق=يفزع لنا فزعـت وفـي الخصايـل بابيات جزلة تجعل النايـم يفيـق=قافن يصحي مـن ينـام القوايـل هذا وبالرمعـة حظـوظ وتوافيـق=ولا بالجميع قصور والشـك زايـل

هلا حميدعزام كيف الحال كل عام وانت بخيراسمحلي بالرد الذي مادري عنه

ياللي تنادي في عوال الشواهيق=تزهم بموضوعك عيال الحمايل
اول هلا من خافقٍ بالمغاليق= قلب ٍ يحن انشاف جزل المثايل
ترحيب شفقانن بشوقت مشافيق=عقب البطا تباشرو بالعقايل
من بعد هذا يالرجال المطاليق= واجب انجاوب مانتلاشا الرسايل
اجواب الموضوع في في قدر ماطبق= ولاهو لزوم اعرف جميع المسايل
ودققت علم حميد كله بتدقق= واخذت ماجاب الفكر من دلايل
ثلاث هن بلوى قلوب العشاشيق= فرقا بعد عدن يلم النزايل
وفرقا وهذي ماحد الفعلها يطيق= ليابثو النمه خباث العمايل
وفرقا سببها عم غربن وتشريق=الموت فعله طايلن كل طايل
وما الاسم والله يسوق التوافيق= حياه كان الحل ماهو بعايل
هذا وبالرمعه حظوظ وتوافيق = وحميد قبل اقول لشطر قايل

[حميد عزام]

صح لسانك ياعمده بيوت جزله من راس جزل حظ أوفر حاول مره أخرى

ياكثر ماتعبـو عليـه المخاليـق=اسمه يلـم سلـوم كـال القبايـل

[ناصر خنيفر]

اقتباس من مشاركة حميد عزام صح لسانك ياعمده بيوت جزله من راس جزل حظ أوفر حاول مره أخرى ياكثر ماتعبـو عليـه المخاليـق=اسمه يلـم سلـوم كـال القبايـل

هلا حميدبذلنا الجهد وعلى ماقيل
هذا وبرمعه حظوظ وتوافيق هههههههههههه