[سعد الشقل]

عيسى بن عيد

ياسلام الله علي عبس وافـين الشـبور=ربعي اللي بالشدايد يظلل ظلها
من بغاني له خوين علي الشده جسور=لايقــصر بالمـــواقف لـيا جا حـلها

المحيط الاطلسي

مرحبا ترحيبة(ن) ريحها ريح العطور=بالرجال اللي محد بالمخـاوى ملهـا
راعي الفاطر يبا خوة الرجل الصبور=العرب يهرجلهـا والعجـم يرطلهـا

عيسى بن عيد

البـقابك والله اللي علـيمن بالصـدور=عالمن في غيب الأمور ويعلم جلها
من بناء بيت الردا قلت ماهو بمعمور=قلت لـه ياعـــلها للـــهدم لعــلــها

المحيط الاطلسي

الله اعلم بالنوايا وما تخف الأمـور=مار دقة سلف موترك تكفى افطلهـا
الردا لاهل الردا والحياه اصلاً عبور=سالفه ماهي بيمـك نصيحـه خلهـا

عيسى بن عيد

الحــصان ليا عثر ماتـهيبه العـثور=ينـتبه لـتالــــيه والـدروب يدلـها
صاحبك ياصاحبي والله انه مايبور=كل مازادت عقدها يجيك يحلها

المحيط الاطلسي

انتبه من طيحة(ن) من بعدها ماتثـور=لو تدل دروب الارض البسيطه كلهـا
انت تشهد والشهاده نخاف تصير زور=بعض الاشياء ليت بعض الرجال ايزلها

عيسى بن عيد

من فقد خوة عربيـن مسـما ومخبور=الســراير باحـها والضـماير عـلها
علم أهل المنتدى وانت رجالن غيور=لاتسمع هرج ناسن خبيثن دلها

المحيط الاطلسي

الجنايـز مالهـا الا تــودع بالقـبـور=والقلـوب اللـي مغلـه تمـوت بغلـهـا
وش على اهل المنتدى من جناحين الطيور=لاتقـول اعلـوم راسـك ماهـو قدلـهـا

عيسى بن عيد

ابك انا لاشـفت دنــياك جتلـك في دبــور=محزمك في يوم تجفا الأخلا خلها
مقصدي واضح وقصه لها خمسة شهور=مانـقـلها غـيـر جـوال لـكـن خــلها

المحيط الاطلسي

انتهينا من بعضنا وعزلنـا النشـور=مار لامنك نسيـة الفريضـة صلهـا
لو عذرتك مانت عند الجماعه بمعذور=السيوف بغير وقـت القتـال اتسلهـا

الموضوع الأصلي: عيسى بن عيد × المحيط الاطلسي | | الكاتب: سعد الشقل | | المصدر: شبكة بني عبس

[بحــ الخليج ــر]

الله لايهين الشعار على هالطاروق الجزل وتشكر على التنسيق ياسعد

[عبد العزيز]

الله يعطيك العافيه على التنسيق

[ابو براك الرياض]

محاورة رائعه

[موسى بن سيار]

بيض الله وجهك ياسعد