[البدر المهاجر]

مرحـوم ياحبـا مــن الـعـام عشـنـاه
-----رحل وخلا دمعـة العيـن همالـي

*****

هجرنـي المزيـون واعلـن يـوم فرقـاه
----- رحل وخلاني اجر حسرة زمانـي

*****

لا واخـسـاره ليتـنـا مــا عـرفـنـاه
----- ولا عشقنـا واحـدا مـا يبالـي

*****

بعـض البشـر تطيـه قلـبـك ويـفـداه
----- والبعض منهم مهما عطيته جِفاوي

*****

يعطيـك مــن جــم الـكـلام احــلاه
----- وبداخله يضَمـر عظيـم البـلاوي

*****

كـل مـن شافـه وسمـع صوتـه تمنـاه
----- ما يدري انه على الشـر ضـاوي

*****

لاكـن عـس الله مـن المـرض يشـفـاه
----- ويبعد عنـه كـل غـاووووووي

*****

مانـي بمثلـه اضمـر لـه الشـر بمقفـاه
----- ولا احب هرج القفـى والحكـاوي

*****

نفسـي عزيـزه ودرب الخطـا ء ممشـاه
-----وانظرلخطوات رجلي واعد الخطاوي

الموضوع الأصلي: مرحـوم ياحبـا مــن الـعـام عشـنـاه | | الكاتب: البدر المهاجر | | المصدر: شبكة بني عبس

[عبدالعزيز الخياري]

بعـض البشـر تطيـه قلـبـك ويـفـداه
----- والبعض منهم مهما عطيته جِفاوي

أعتقد ان الصحيح كلمة (تعطيه)


وليس تطيه


أرجو من المشرفين التعديل
على العموم صح لسانك أخوي البدر المهاجر


رائعه من رائع ربي يوفقك ويسعدك



تحياتي

[ابواثنين]

صح اللسانك اخوي البدر المهاجر
قصيده جميله بمعانيها ومفرداتها
تقبل تحياتي

[البدر المهاجر]

اشكرك كل الشكر اخوي عبدالعزيز على مرورك وردك ويعطيك الله العافية على التصحيح لانووكلي خجل من المشاهدين خطا مطبعي ودمت سالما ياغالي

[البدر المهاجر]

ابو ثنين كلك وفاء وخلاص ياغالي مشكور ياعسل على المرور

[*العبسي*]

صراحة قصيده رائعه وربي يعطيك العافيه وماننحرم منك

[فهد المويسه]

صح لسانك

وقصيده رائعه

وتقبل سلامي