[اسير الصمت]

إليكم هذه القصيده لشاعر / عوض بن سند الرشيدي
أتمنى ان تعجبكم وتنال رضاكم ......

لادق سلف الونيت ودرات سيوره
ثم أرعدن القزوز تقول زلزالي

أربع ميه يالسنافي حجم ماطوره
عزالله إنه خوين بالخلا الخالي

منوت عوض لاسرى وإن طول بنوره
نور الجميحي مديلٍ نازلٍ تالي

ويبعد عوض عن ديار الشرق وبحوره
لديار ربعه وديرة صاحبٍ غالي

مضن ثمان وثلاث سنين مقهوره
النفس من بعدهم ياعزي لحالي

وحدعش عامٍ ٍٍٍٍٍٍٍبخدمة جيش اخونوره
ماهي خساره ونصرتنا من الوالي

جينا بحرب الخليج بصف طابوره
بصفة حرس مرخصين الروح والمالي

ماهمنا زمرت الحراب وشروره
قلوب ٍ قست في سلاحٍ ٍيعشق الصالي

واليوم بان الرخاء ثم نبتت زهوره
من عقب سيل ورعد وبرق وخيالي

وأبا اتمثل بشعري وأكتب سطوره
ترويحت النفس دايم على بالي

من قلب يبغى الرحيل وقابل ٍشوره
يبغى يتريح من الإقفاء والاقبالي

في دارهم أشهدن الروح مسروره
بالباديه يوم حل ويوم ترحالي

ويهيض ذود ٍمشى من قبل مضهوره
يبغى شعيبٍ عليه الوسم همالي

ويازين لا ربعت وبالرجع ممطوره
وجلست في روض ٍ لعشبه تميالي

وشميت ريح ٍ يهيض القلب وشعوره
ريحة نفل مع نسيم ٍ يطرب البالي

في حاجر ٍ مابه إلا جرت طيوره
فيه أم سالم تجر الصوت وتلالي

هذا هوى قلبي اللي كمل الدروره
دورة حياة ودرس لبعض الاحوالي

وترى السعاده مهي بالمال محكوره
ولاهي بفله ولاهي بمرتب ٍ عالي

ترى السعاده بدين الرب وستوره
ومفارق اللجلجه والقيل والقالي

والخاتمه ياعسى الزلات مغفوره
لقفى عوض وحط فوقه طين ورمالي



وسلامتكم

وتقبلوا فائق إحترامي وتقديري

عاشق الميم

الموضوع الأصلي: أربع ميه يالسنافي حجم ماطوره ....... | | الكاتب: اسير الصمت | | المصدر: شبكة بني عبس

[{{ ناصرالرشيدي }}]

صح السانك يالغلا

وصح منطوقه

تسلم يالغلا على النقل الطيب

تقبل مروري المتواضع في ارق صفحاتك

عطر تحياتي لك بحلا رياحين المسك والكادي

اخوكم : ناصر الرشيدي

[اسير الصمت]

اقتباس من مشاركة {{ ناصرالرشيدي }} صح السانك يالغلا وصح منطوقه تسلم يالغلا على النقل الطيب تقبل مروري المتواضع في ارق صفحاتك عطر تحياتي لك بحلا رياحين المسك والكادي اخوكم : ناصر الرشيدي

اسعدني مرورك اخوي ناصر الرشيدي

ويعطيك العافيه

[حــزام]

بيض الله وجهك اخوي عاشق الميم
وصح لسان الشاعر عوض سند الرشيدي
قصيدة جزله وتثبت نفسها وتثبت قوة شاعرها
لاخلا ولاعدم

[اسير الصمت]

اقتباس من مشاركة ذيب الحجاز بيض الله وجهك اخوي عاشق الميم وصح لسان الشاعر عوض سند الرشيدي قصيدة جزله وتثبت نفسها وتثبت قوة شاعرها لاخلا ولاعدم

وجهك ابيض ياذيب الحجاز ويعطيك العافيه على المرور

[صلاح المهيمزي]

صح لسان الشاعر الكبير عوض الرشيدي



لاهنت على النقل

ابيات في قمة روعتها وجمالها

تقبل اعجابي بالقصيده


تحياتي لك

دمت لنا بود

[خاتم الرشيدي]

قصيده جيده جدا تقبل مروري
لاهنت على انقل

[عبدالعزيزعلي]

صح اللسان الشاعرعوض
وشكراً لك عاشق الميم على النقل

كل التقدير