[الرشـ بنت ـيدي]

الجرح مبطي ما اشتكـى مـن عذابـه

بينه وبين البـوح ياصاحبـي حجـاب

جرحي وانـا كاميـه واعـرف جوابـه

لاتنشده عن خافيـه مالهـا اسبـاب!!

تبـي تعـرف شلـون..زاد التهابـه؟؟

واستنزف الطعنات سيـف وحـراب؟؟

اسئل ضميرك وانشده..وش جرابـه؟؟

تلقى الاجابه فيه يـا (سيـد الاحبـاب)

دؤن ســؤال وشـاهـده بالكتـابـه

تلقى حروفه دم !! وسطـوره عتـاب!!

ليه الهجر والصـد .. مفتـوح بابـه؟؟

وليه القسى والهم .. تفتح له ابـواب؟؟

وليه الغياب المـر .. ترفـع خطابـه؟؟

(ماتدري ان لي قلب..في غيبتك ذاااب)؟

احـدن يغـيـب ولانشـدنـا غيـابـه

واحدن يحن القلب عقبـه ليـا غـاب

حنيـت لـك حنـت خلـوج غـدابـه

راعي بكـار لاجهـم عقّـب هضـاب

تنعـي تبـي ذاك المكـان وخـرابـه

وشدوا رحيل وزملـوا فوقـه اطنـاب

وهذي همومي يالغلآ.. ويـش جابـه؟؟

(جرح فتق في جرح قاسي ولا طـاب)

جرحك نزف بيـن الضلـوع ولجابـه

وا شيب قلب اللي تشيّب وهـو شـاب

والمشكلـه تـدري.. وتجهـل عذابـه

مقيولتن (هذا بلاء ابوك يا عقـاب)!!!

الموضوع الأصلي: هذا بلاء ابوك يا عقـاب !! | | الكاتب: الرشـ بنت ـيدي | | المصدر: شبكة بني عبس

[عبد العزيز]

قصيدة جميله وابيات اجمل!
كل الشكر لكِ على هذا الطرح المتميز ننتظر جديدك الرائع .

[الرشـ بنت ـيدي]

مشكور علي المرور الاكثر من رائع..

وربي يعطيكـ العافـيه..

تحياتي العطرهـ لكـ..

[محيا الحربي]

قصيدة رائعة قليل ان نقرأ مثل هذه الابيات في الجزاله وقوة المعنى ---------تحياتي وننتضر جديدك

[الرشـ بنت ـيدي]

مرورك وسام علي صدري..

وربي يعطيك الف عافيه..

وتقبل مني خالص التحايا..

[عنقود البدو]

(هذا بلاء ابوك يا عقـاب)!!!

مشكوووره على النقل المميز

مودتي

ابتسااامة قهر

[عبدالعزيزعلي]

ليه الهجر والصـد .. مفتـوح بابـه؟؟

وليه القسى والهم .. تفتح له ابـواب؟؟

قصيده في منتهى الرووعه والجمال تشكرين الرشـــ بنت ـدي على نقلها

[الرشـ بنت ـيدي]

مشكورين علي المرور..

وربي يسعدكم ..

تقبلو تحياتي العطره لكم..