[المظلومم]

ظلم القريب

ظلم الغريب أهون ولا ظلم الاقراب......

لأن الظليمه من قريبك مصيبه

وعيب القريب اصعب من عيوب الاغراب

لأن القريب يعيبك اللي يعيبه

والله مايذبح طويلين الاشناب

غير القريب اللي طعن في قريبه

عقب القرابه والغلا صرتو احزاب !

ولحد ٍ جنى من فعلته كود خيبه

بالله لايكثر , ترى خاطري طاب

مليت من كثر الجروح العطيبه

الفرق واضح بين صادق ونصاب

والحق يطلع لو يطوّل مغيبه

وان كان بالدنيا محد حاسب حساب

بالآخره رب ٍ خلقنا حسيبه

وانا قسم بالله . لايمكن ارتاب

ولا حب هرج ٍ فيه نمه وغيبه

احب اقول الصدق حتى لكذاب

واحب اجازي من غمرني بطيبه

وإلا الردي له عندنا حفنة تراب

وان غاب ماقلنا عسى الله يجيبه

بس انت ياليتك تفكر بالاسباب

لان الظليمه من قريبك مصيبه

كلمات المظلوم ابودلال

الموضوع الأصلي: ظتم القريب | | الكاتب: المظلومم | | المصدر: شبكة بني عبس

[البعيد الهادي]

صح السانك اخوي وعفـا الله عمــــــــــــــــــــــــا ســــــــــــــلــــــــــــــف

[موسى بن سيار]

العفوطيب صح لسانك