[فيصل الرشيدي]

من البارح وأنا عيني غمامه وانتظارك نور = يلامسني رعدك ولا برق مبسم مواعيدك
تجف شفاه ساحلك الهزيل وخافقي ممطور = تبيني دوك من عشب النوايالا أملحت بيديك
ترى ماني بمتنبي رجاك ولاني بكافور = ولاأنت بعبد لملوك الغرام ولاني بسيدك
تعبت أجمع حصى رمل المواجع وأحذف الطابور = وأسلم لك يدين العشق وأنت تمد لي قيدك
دخيلك لامتى وأنا سراج بليلك المكسور = علامك صرت تشرب فرحتي في كاس تنهيدك
عليك من الجفا بابٍ حزين وحارسين وسور = وعليّ من المواصل نظرتي لا مرني جيدك
تجمعت بدروبك واحتريتك والزمن منثور = على متن الجروح تنقّـض الحرمان فوق إيدك
حبيبي لو يطاولني غيابك ماعليّ قصور = حضوري زارعه بين النعاس وبين تسهيدك
مدام إن المواقف ثابته خل الظروف تدور = بكيفك لو خلعت الهم عيدي لابسٍ عيدك

الموضوع الأصلي: مبدع يا بعيد النظر | | الكاتب: فيصل الرشيدي | | المصدر: شبكة بني عبس

[الجـــــادل]

تعبت أجمع حصى رمل المواجع وأحذف الطابور ...وأسلم لك يدين العشق وأنت تمـد لـي قيـدك

صح لسانك ولاهنت أخوي فيصل

تقبل تحيتي

أختك الجادل

[الحر]

صح لسناااااااااااااااااك فيصل ولاهنت على هذه القصيده الجميله


الحـــــــــــــــــــــــر

[بشيرالشويلعي]

مدام إن المواقف ثابته خـل الظـروف تـدور
بكيفك لو خلعـت الهـم عيـدي لابـسٍ عيـدك


صح لسانك

[الســـامري]

دخيلك لامتى وأنـا سـراج بليلـك المكسـور
علامك صرت تشرب فرحتي في كاس تنهيـدك
عليك من الجفا بابٍ حزين وحارسيـن وسـور
وعليّ من المواصل نظرتـي لا مرنـي جيـدك
تجمعت بدروبك واحتريتـك والزمـن منثـور
على متن الجروح تنقّض الحرمان فوق إيـدك
حبيبي لو يطاولنـي غيابـك ماعلـيّ قصـور
حضوري زارعه بين النعاس وبيـن تسهيـدك
مدام إن المواقف ثابته خـل الظـروف تـدور
بكيفك لو خلعت الهـم عيـدي لابـسٍ عيـدك



صح لسان اخوي فيصل على هذه القصيده الجزله من شاعر جزل ولاهنت والله يوفقك..............






تقبل خالص تحياتي



الســــــــــــــــــــــــامري