[العريض]

حالم اللي بحلم وشفت بالحلم كنّي= جالسٍ وسط غارٍ بين جنّه وكنّه
بين هذي وهذي والجميع ادركنّي= عقب ماطاب قلبي عودٍ وادركنّه
اشعلنّي تغلّي واحترقت اوبكنّي = دًورنبي نقاط الظعف حتى بكنّه
بايعنّي هواهن قبل مايملكنّي = حاولنّي على عقد الرظى واملكنّه
حايلنّي وحلاً بالحول واربكنّي= يوم حلاً بحالي حوّلاً واربكنّه
حطّمن كل حلمٍ فيه عندي حكنّي= كل مادار في ذهني وعندي حكنّه
ورّدني على خط الدرك واتركنّي= شانهن شان من باعن معه واتركنّه
شيّمني وشامن واشملن واشبكنّي= شيّبني وشبن واشكرٍ مأشبكنّه
شاركنّي وشاكنّي وثم شربكنّي=شربكنّي شبك من بالشبك شربكنّه
شارعنّي وشعّن شركهن واشركنّي= وشتركنا وصرت اول شريك اشركنّه
شرّفنبي على شيخ الشمال اوشكنّي= شاقهن يوم حجاج العريّض شكنّه

الموضوع الأصلي: هذي وهذي والجميع ادركنّي = عقب ماطاب قلبي عودن وادركنّه | | الكاتب: العريض | | المصدر: شبكة بني عبس

[عبدالباري عبدالعزيز]

صح لسانك على هالقصيدة المتشبعه بالشين والكاف والنون،، تمكن واضح من شاعر كبير
لك متابعتي

[أبو فايز العويمري]

الاخ الشاعر حجاج العريض صح السانك قصيده اروع من الرائعه ولاتحرمنا من جديدك وأتمنى لك التوفيق والتقدم

[ناصر خنيفر]

صح السانك ياحجاج العريض

[القزم]

صح لسان

قيله ونقله

[العريض]

الأخ عبدالباري عبدالعزيز
مرورك يشرفني

شكر جزيلٍ على المرور الجميل

تحياتي لك

[العريض]

[QUOTE=ناصر خنيفر;190679]صح السانك ياحجاج العريض[/QUOTE

صح بدنك اخوي ناصر

شكرلك على لمرور

[حــزام]

بيض الله وجهك
وصح لسانك جزلة وكفو ياراعيها