[رائد الذيابي]

البارحه ربي كتب لي ومريت
درب(ن) عليه بروق الاحباب لاحت

جيت المكان اللي جمعنا وخفيت
وقامت جروحي للجوارح وصاحت

ياليتني في لفة الدرب زليت
كان العيون من الدموع استراحت

التم غيم الدمع من يوم لفيت
وورق القصيد لشوفة الغيم ناحت

وظحكة مابغى الناس تدري يوم الفيت
لاكنها غصب(ن) عن العين ساحت

حارت دموعي في عيوني وصديت
وأرمشت ابيها ماتبين وطاحت

وعقبه برق فالعين براق واسقيت
خدي و وناتي بصدري تلاحت

وانا احسبني في فراقه تعافيت
وان عبرتي من مدخل الزاد زاحت

اللي يحسبني من البعد سجيت
والا أن عيوني بالرقاد استباحت

ياليتني من قبل لاحبه اقفيت
والا أن دروبي عن دروبه استناحت

أهون علي من البكا والتناهيت
واشلا من شدود على الناس باحت

عرفت كيف الحي يفرق عن الميت
وعرفت قيمة نعمتي يوم راحت

قولو له اني عقب بعده تدانيت
ورجلي عن دروب المعافين شاحت

البعد نار وطاعت العذل كبريت
يقصر على بعده ترا الكبد فاحت


الشــــــــــاعر
محمد بن فطيس

الموضوع الأصلي: الــبـــــارحـــه ربــي كــتــب لــي ومــريـــت | | الكاتب: رائد الذيابي | | المصدر: شبكة بني عبس

[شـــوق]

ياليتني من قبل لاحبه اقفيت والا أن دروبي عن دروبه استناحت

صح لســان الشاعر ..

وتسلم على هالنقــل يا فلسفه ذهن ..

[المغرم اليائس]

قصيدة تثير الجروح وتراقص الالم بنغمات الوجع
.
.
شكرا لك اخي الكريم

[ابو محمد العريض]

صح لســان الشاعر ..

وتسلم على هالنقــل يا فلسفه ذهن ..

[ابوساحوت الزبني]

صح لسااانك على القصيده ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[سالفةعشاق]

ياليتني من قبل لاحبه اقفيت ..

وإلا ان دروبي عن دروبه استناحت ..

تسلـم ع.النقــل الرائـــــع ..

وصـــح ح ح لســـان شـاعرقـلووووووووب المــلايييييـن إبــن فطيـس ..

[زهو الايام]

رائعه بكل المقاييس..
صح السااااان ابن فطيس...
وتسلم فلسفة ذهن على الاختيااار الراااائع..

[فهد المويسه]

قصيده رائعه

وتقبل سلامي