[فهد المويسه]

قـم يانديبـي .. وانـت للشعـر مرسـال .. .. مالـي ورى صبـر(ن) صبـرت احتمالـي
ثـارت ذلـول الشعـر ياطـيـب الـفـال .. .. ازهـم .. ومـس اشـدادهـا بأعتـدالـي
روح علـى زمـل الهواجـيـس جـمـال .. .. قبـل المغيـب ..انهـج وشـد الرحـالـي
ملفـاك حـر(ن) منزلـه رؤس الاقــذال .. .. سعـود ... لاجـاء للمـراجـل مجـالـي
عقيـد قــومٍ لاتـزعـزع .. ولا مــال .. .. ولا ..ينحني لـو جايـر الوقـت .. مالـي
داره لعكـفـان الاشـانـيـب مـدهــال .. .. الطيـب طبعـه .. ورث عـم(ن) وخالـي
فـي مجلسـه للضيـف ..دلـه.. وفنجـال .. .. وفـوق الوجـار.. تفـوح صفـر الدلالـي
نسل الصقور اللـي علـى المرقـب العـال .. .. منزالهـم دايـم .. بــرؤؤس العـوالـي
بني رشيـد .. ان ضـاق بالوقـت رجـال .. .. دخيلـهـم مـالـه طلـيـب(ن) يسـالـي
امجادهـم تـدرس .. علـى مـرّ الاجيـال .. .. يشهـد لهـا التـاريـخ .. اول.. وتـالـي
ربعي سلايـل عبـس .. ماضيـن الافعـال .. .. احـفـاد عنـتـر.. محتمـيـن التـوالـي
يوم الفخر.. خيـل .. وبواريـد .. ورجـال .. .. وقفاتهـم تشـبـه.. شـمـوخ الجبـالـي
واليـا اعتـزوا مابيـن فـارس .. وخيـال .. .. عدوهـم .. مـن هـول مابـه ..يوالـي !
عبس الفخر.. عبس الشجاعه .. والابطـال .. .. عبس الشهامـه .. والكـرم .. والمعالـي
سـلام .. يانسـل الكرامـه ..والاشـبـال .. .. سـلام .. يالحلحيـل .. واف الخصـالـي
ياسعـود .. همـك زاد بـي الـف غربـال .. .. ونقـض جـروح الوقـت .. واثـر بحالـي
ياصاحبي عقب البطـا .. كيـف الاحـوال ؟ .. .. عسـاك فـي دنيـاك دالـه.. وسـالـي ؟
لا والـذي نـزل .. تبـارك .. والانـفـال .. .. انـك علـى قلبـي عزيـز(ن) وغالـي!!
انـا .. حزامـك لاغـزاك اشهـب الـلال .. .. وانـا خـويـاك .. لا نـسـاك المـوالـي
يفـداك مـن ربعـي هبـود(ن) ومخـتـال .. .. اللـي حضـوره مايـسـاوي ريـالـي !!
ومـدام راسـي شامـخ(ن) فوقـه عقـال .. .. يفـداك رأسـي ياعـريـب الخـوالـي !!
قول .. وفعل .. ماهـي سواليـف واقـوال .. .. ابـشـر بـعـزك ياعـزيـز الرجـالـي
الحـر.. لوتقفـي بـه سـلـوك وحـبـال .. .. لابـد .. مايرقـى لــرؤؤس الطـوالـي
اكفـخ.. وعلـل ضيـق صـدرك يالآمـال .. .. وجامـل زمانـك لـو همومـك ثقـالـي
واصبر عسى همـك مـع الوقـت ينـزال .. .. وعقب الغثـا.. تشـرب قـراح(ن) زلالـي
والغربـه اللـي ظلمهـا شهـور.. وليـال .. .. يـدري بهـا منشـيء حقـوق الخيـالـي
دنيـاك هـذي كـل يــومِ لـهـا حــال .. .. ايام .. لـك .. وايـام .. لا لـك.. ولا لـي
سـود الليالـي مدرسـة كــل رجــال .. .. الله يبيـض وجـه .. سـود الليـالـي !!
درست فيها انـواع .. والـوان ,, واشكـال .. .. و عرفت فيها مـن معـي .. مـن غدالـي
وميـزت عطـران الشـوارب.. والانــذال .. .. وشربـت منهـا كـل مــر(ن) وحـالـي
مشيـت فيهـا بيـن .. طيـب .. وبطّـال .. .. ومارحت احسّب وش مضى ؟؟ وش بقى لي؟
قـم يانديبـي .. مـاورى العصـر مقيـال .. .. قبـل المغيـب انهـج وشــد الرحـالـي

وسلامتكم

للشاعر عادل الذيابي الرشيدي

وتقبلو سلامي

الموضوع الأصلي: عبس الفخر.. عبس الشجاعه .. والابطـال | | الكاتب: فهد المويسه | | المصدر: شبكة بني عبس

[العريض]

اقتباس من مشاركة فهد المويسه قـم يانديبـي .. وانـت للشعـر مرسـال .. .. مالـي ورى صبـر(ن) صبـرت احتمالـي ثـارت ذلـول الشعـر ياطـيـب الـفـال .. .. ازهـم .. ومـس اشـدادهـا بأعتـدالـي روح علـى زمـل الهواجـيـس جـمـال .. .. قبـل المغيـب ..انهـج وشـد الرحـالـي ملفـاك حـر(ن) منزلـه رؤس الاقــذال .. .. سعـود ... لاجـاء للمـراجـل مجـالـي عقيـد قــومٍ لاتـزعـزع .. ولا مــال .. .. ولا ..ينحني لـو جايـر الوقـت .. مالـي داره لعكـفـان الاشـانـيـب مـدهــال .. .. الطيـب طبعـه .. ورث عـم(ن) وخالـي فـي مجلسـه للضيـف ..دلـه.. وفنجـال .. .. وفـوق الوجـار.. تفـوح صفـر الدلالـي نسل الصقور اللـي علـى المرقـب العـال .. .. منزالهـم دايـم .. بــرؤؤس العـوالـي بني رشيـد .. ان ضـاق بالوقـت رجـال .. .. دخيلـهـم مـالـه طلـيـب(ن) يسـالـي امجادهـم تـدرس .. علـى مـرّ الاجيـال .. .. يشهـد لهـا التـاريـخ .. اول.. وتـالـي ربعي سلايـل عبـس .. ماضيـن الافعـال .. .. احـفـاد عنـتـر.. محتمـيـن التـوالـي يوم الفخر.. خيـل .. وبواريـد .. ورجـال .. .. وقفاتهـم تشـبـه.. شـمـوخ الجبـالـي واليـا اعتـزوا مابيـن فـارس .. وخيـال .. .. عدوهـم .. مـن هـول مابـه ..يوالـي ! عبس الفخر.. عبس الشجاعه .. والابطـال .. .. عبس الشهامـه .. والكـرم .. والمعالـي سـلام .. يانسـل الكرامـه ..والاشـبـال .. .. سـلام .. يالحلحيـل .. واف الخصـالـي ياسعـود .. همـك زاد بـي الـف غربـال .. .. ونقـض جـروح الوقـت .. واثـر بحالـي ياصاحبي عقب البطـا .. كيـف الاحـوال ؟ .. .. عسـاك فـي دنيـاك دالـه.. وسـالـي ؟ لا والـذي نـزل .. تبـارك .. والانـفـال .. .. انـك علـى قلبـي عزيـز(ن) وغالـي!! انـا .. حزامـك لاغـزاك اشهـب الـلال .. .. وانـا خـويـاك .. لا نـسـاك المـوالـي يفـداك مـن ربعـي هبـود(ن) ومخـتـال .. .. اللـي حضـوره مايـسـاوي ريـالـي !! ومـدام راسـي شامـخ(ن) فوقـه عقـال .. .. يفـداك رأسـي ياعـريـب الخـوالـي !! قول .. وفعل .. ماهـي سواليـف واقـوال .. .. ابـشـر بـعـزك ياعـزيـز الرجـالـي الحـر.. لوتقفـي بـه سـلـوك وحـبـال .. .. لابـد .. مايرقـى لــرؤؤس الطـوالـي اكفـخ.. وعلـل ضيـق صـدرك يالآمـال .. .. وجامـل زمانـك لـو همومـك ثقـالـي واصبر عسى همـك مـع الوقـت ينـزال .. .. وعقب الغثـا.. تشـرب قـراح(ن) زلالـي والغربـه اللـي ظلمهـا شهـور.. وليـال .. .. يـدري بهـا منشـيء حقـوق الخيـالـي دنيـاك هـذي كـل يــومِ لـهـا حــال .. .. ايام .. لـك .. وايـام .. لا لـك.. ولا لـي سـود الليالـي مدرسـة كــل رجــال .. .. الله يبيـض وجـه .. سـود الليـالـي !! درست فيها انـواع .. والـوان ,, واشكـال .. .. و عرفت فيها مـن معـي .. مـن غدالـي وميـزت عطـران الشـوارب.. والانــذال .. .. وشربـت منهـا كـل مــر(ن) وحـالـي مشيـت فيهـا بيـن .. طيـب .. وبطّـال .. .. ومارحت احسّب وش مضى ؟؟ وش بقى لي؟ قـم يانديبـي .. مـاورى العصـر مقيـال .. .. قبـل المغيـب انهـج وشــد الرحـالـي وسلامتكم للشاعر عادل الذيابي الرشيدي وتقبلو سلامي

لله درك اخي فهد المويسه

على روعه ماقدمت لنا

شكراً لك على هذي الرائعه

وصح لسان الشاعر عادل

تقبل مروري المتواضع مع التحيه

[مرزوق العجوني]

صح لسان عادل مليوووووووون على الرائعه ومشكوووووور اخوي فهد على نقلها لنا ولا هنت

[يوووووسف]

الله الله


شكراً على النقل اخوي


وصح لسان الشاعر عادل الذيابي

[كاسب المرجلة]

صح لسان الشاعر
وتسلم على النقل

[سعود الرشيدي]

شكراًلك اخي المويسه على كل شي واحلى قصيده

[الولد العبسي]

تسلم الايادي وصح لسانك

[سعد الشقل]

صح اللسان شاعرها قصيده ممتازه للغايه

بيض الله وجهك على النقل المميز