[ثامر بني عبس]

إليكم هذه المحاوره التي جرت بين الشاعرين الكبيرين

_نايف الثبيتي - ومبارك العصيمي

والحقيقه وبدون مجامله تعتبر


هذه المحاوره من افضل المحاورات

التي جرت فالمنتدى

من حيث القوه والاثاره والفتل والنقض

اترككم مع المحاوره؛؛؛



نايف

الليله الليله بشب النار في خشم الفتيـل
وارمي مبارك بعد اولعها بداخلهارمـي
ياللي تقول علوم عند الناس ماتملك دليل
ماعد تافرها تجيب العور تبـرا للعمـي





مبارك
الليله الليله ما افكك لين تحضرلي كفيـل
مادام هاذي نيتك في صاحبك يالمجرمـي
ماعاد تلقى للدارهم داخل جيوبك مشيـل
وتلدعينك للرصاص اللي معي في محزمي





نايف

العام شفتك وانت طرقي بالبلد عابر سبيل
ماعندك الاشاه واعطتيك من خيار غنمي
واليوم ماتلقالها في حامي الكنـه مقيـل
وانا ذكرت الله وذكر الله دايم فـي فمـي



مبارك
انته ثلاث سنين تجمع كل يوم وكل ليـل
واليوم رجلك لاتقربها وانشوك بسهمـي
مما كسبتوا ماحصل لاصحابكم غير القليل
ياللي تبا تكثر علومك لين يصحى النايمي



نايف
حنا لنا قانـون وانتـه مافهتـه يالزميـل
مانقرب اللي جالها بالخـد جـرة ماسمـي
وانته تخم اللي موالي من قصير ومن طويل
ماتدري ان الدار يارجال بالسيـف محمـي





مبارك
قانونكم طيب لكـن ان مالـت الكفـه يميـل
ياصاحب (ن)تخبر صحيبك عن كرمك الحاتمي
الفرق بين السكر الحالـي وبيـن الزنجبيـل
وانا مايسلى خاطري ياليـن اكمـل لازمـي



نايف
اذا طلبت اطلب من المقدور خل المستحيـل
وانته تذكرشي راح اصحى وصحصح ياسمي
اناعطيتك وانـت قابلهـا وخابرهـا هميـل
مستورده واللي موردها الوكيـل الزمزمـي



مبارك

ما نطلب الا الله وندري ماورى مثلك حصيل
واللي مايرضى سلمنا تعطيه مشعاب سلمي
عطيت ربعك ياعميل ماصدقت مـع العميـل
والهامله من عندنا جتك العصير تدرهمـي





نايف

الشرع ماحلل سو اربع وانت كم عندك عديل
مذكات هذي في طرف هذي وسيلت الدمـي
العلم لو عندك سواة الفيـل ولاكنـت فيـل
راحو عيالك في قطر وانشد خليل الشبرمـي




مبارك
انته على الموضه تخير من مديل اليا مديل
مسلم ومتعلم وترطـن بالكـلام الاعجمـي
يلوح براق الحيا والسيل يجري في المسيل
وانته لجول الصيد هديتلك حر (ن) صيرمي

الموضوع الأصلي: محاورة نابف الثبيتي@ومبارك العصيمي | | الكاتب: ثامر بني عبس | | المصدر: شبكة بني عبس