ضــع اعــلانك هنا

عبداللطيف العايضي

السلام عليكم
حبيت أنقل لكم هذا القصيدة الجميل وعسا أن تنال أعجابكم جميعا ً

يـاهية ألتفت لـي

ياهيه التفت لي واسمع دعـاي لـك ياهيـه
ترا عـادك بتشبـع مـن البعـد وتواجـه
دعيتـك بصوتـن ياصلـك ليـه ماتوحيـه

وانا اسمع ضلوعك من صدى الصوت لجاجه
عليـك الفـواد اخـلاج مصمّـخ راعـيـه
خاف الله فـي راعيـه ماتسمـع اخلاجـه
ترا العفو قـد جـاك اوّلـه واغتنـم تاليـه
وترا الحلـم بحـرٍ غيـر لاتامـن امواجـه
وترا الود ليـلٍ مظلـمٍ جيـت لـك ساريـه
سراجه وصالـك والجفـا ينفـخ اسراجـه
وترا قصرْنا اللي كم سنـه نجمـع ونبنيـه
هوى العذل طيـح بابـه العـود وسياجـه
لي ايام مـدري ويـن دارك ولا ادري ليـه
وانا خابـر إنـي بـاب شفـك ومزلاجـه
غيـاب بـلا سبـه .. هجـاد بـلا تنبيـه
وجفا العـرب نـار علـى الكبـد وهاجـه
نضج قلبي مـن البعـد وشحاجتـك تكويـه
جفاك الجمر والصبر فـي بعـدك الصاجـه
وطبـع حبـك بقلبـي والايـام ماتمحـيـه
هـذا هجـرك يحـاول يموجـه ولامـاجـه
يموت الامـل لكـن ظنـون الغـلا تحييـه
عروق الوفا ف الـروح والقلـب وجاجـه
خبرتوا حـدن يبكـي علـى واحـد يبكيـه
وخبرتوا حـدن مسجـون ميابغـي فراجـه
احبـه ولاابغضتـه علـى شـي يسـويـه
ولازالـت رقـاب الرجـا فيـه منعـاجـه
عسى منزل ظمـه حقـوق الوسـم تسقيـه
وتضحك له الدنيا وهـو يضحـك احجاجـه
فقد خاطـري شـي مـن الضيقـة مسليـه
وغدت روحي من النـاس والليـل هجاجـه
اروح لمكـان خـابـره خـابـره ياتـيـه
اسوق القدم صوبـه وهـي مالهـا حاجـه
مكـان نـزيـه واول مواجهيـلـه فـيـه
وانـا خابـرن مارجـل مثـلـه بـدواجـه
لعـل وعسـى ماحدنـي للمجـي يدعـيـه
واشوفـه وانـا مـاودي اسبـب احراجـه
يحب الجريـح اخـر دروب اللقـا ويجيـه
وتحـب القـدم جيـه مكـان اول مواجـه

الشاعر / محمد بن فطيس المري

الموضوع الأصلي: ... | | الكاتب: عبداللطيف العايضي | | المصدر: شبكة بني عبس