[ابو نايف]

قصيدة اغضبت الخليجيات هذه قصيده كتبها احد الخليجيين بعد قدومه من المغرب
دعونا نرى ماذا قال ولماذا غضبوا


ياللي تنشد عن علوم الذي طاف .... . كل البحور وكل دوله وديره
خذ من علومي علم اوصافه اوصاف ..... جزل سمين يشتعل له سعيده
الزين عقب المغربيات ينعاف ..... . غيد لهن بالزين ذكره و سيره
فيهن حلا طاغي ولين و تعطاف .... . وفيهن حنان يشعل القلب غيره
حلوات وصف وفاهمات بالاعراف ... ... زيننات منطق صافيات السريره
بنات قوم طيبهم غصب ينشاف ... .. اولاد مغرب بالليال العسيره
ياللي تنشد عن علومي بالانصاف ..... هرجي يكفي صامله عن كثيره
الزين في لميا وتغريد و الطاف ..... ماهوب في حصه وكشره ومنيره


الرد قوي الصراحة الرد ما ادري من قاله بس سمعت انها شاعره خليجية


قال الذي في بدع الامثال صراف .... . جزل يفرق بين درهم وليره
ياللي مدحت المغربيات بجحاف .. ... الله يجيرك من عماه البصيره
لو تعجبك لميا وتغريد والطاف .... . مايصلحن لهل الوجيه السفيره
مفصخات ولبسهم حول الارداف .. ... وبليس اغواهم بكشف الستيره
متعودات كلهم زيف وخفاف .... . على التغنج والتعطف وغيره
كل يوم مع صاحب ولا فيهم اعفاف ..... خويهم اللي فلوسه كثيره
ترى البضايع عده اشكال واصناف .... . وكل ينوخ وسط سوقه بعيره
عز الله ان الطيب في بنت الاشراف ..... اللي على الحشمه تربت صغيره
ولا تبين منها كود الاطراف ..... مثل القماشه فالبحور الغزيره
ياللي تدور بالجواهر والاصداف .. .. . الزين كله في بنات الجزيره

الموضوع الأصلي: قصيدة اغضبت الخليجيات | | الكاتب: ابو نايف | | المصدر: شبكة بني عبس

[بـنـ شيوخ ـت]

عز الله ان الطيب في بنت الاشراف ..... اللي على الحشمه تربت صغيره
،
الله الله.... صح السأن الشأعرٍهـ.. ولا هو لاا خخخ
..
وصح يمنــأكـ يا أبو نـــايف..ودمت بخيرٍ..

[شاعر بني عبس]

الله الله
الله يعطيك العافيه اخوي
مساجله جميله
ولكن الرد الأخر كان من رجل وليس امراءه
وذلك مانستوضحه من الأبيات في قوله
اضافه الى ان شاعرها هو ابن شارخ
جزل ٍ يفرق بين درهم وليره
هذا الوصف للمذكر لو كانت انثى لقالت
جزله تفرق بين درهم وليره :)

وهناك ايضا قصيده ثالثه وهي اجمل
وهي قصيده للأمير طلال الرشيد رحمة الله عليه
وسوف اذكرها هنا لتوثيق ماتم واحتراما لذلك الفارس الرائع


وهذا رد للمرحوم طلال الرشيد (( الملتاع )) .. الله يرحمه

يابن الحلال ان طعتني خل الاسراف.. واترك جمال الغيد لاهل البصيـره

الزين موبس في الملامح والاوصـاف .. الزين روح وعفه وطيب سيـــــره

مانيب من يهوى سريا وانصــــــاف .. انا هواي وبس بنت الجزيــــــــــره

بنت الخليج اللي تماري بالاعــــراف .. وحنا نماري باسمها كل ديــــــــره

مالي غرام بقول وخا وبالـــــــــزاف .. اذبحتني عند الطرحه المستديــره

احب قولة ياهلا وعل وماخــــــلاف .. من بنت ثوبي بنت الارض النضيـره

اللي تحلاها الظبي حلو الاطــراف .. جمال في عفه ورقه وغيـــــــــــره

واللي بها سحر مهو سحر عـــــراف .. ياعل عين ماتراها ضريــــــــــره

عطف وحنان وذوق في لين الاعطاف .. والى كشفت لثامها شفت أميره

صعب على اللي بالردي شاف ماعاف..وحلوه على اللي سنه الله ضميره

شمس الى من اشرقت والدجا طاف..غابت نجومك غصب لو هي كثيـره

السيف مايزهى سوى كف سيــاف .. والخيل دون حصانها مستخيـــــره

بس أنت دورلك على قدك لحــــاف .. وان طعتني دور بدلنا عشيــــــره

[ادري طيبتي غلطه]

موضووووع رائع وطرح اروووع اخووي ابو نايف
عز الله ان الطيب في بنت الاشراف ..... اللي على الحشمه تربت صغيره
ولا تبين منها كود الاطراف ..... مثل القماشه فالبحور الغزيره
ياللي تدور بالجواهر والاصداف .. .. . الزين كله في بنات الجزيره



واضافه ارووع اختي بنت شيووخ
صعب على اللي بالردي شاف ماعاف..وحلوه على اللي سنه الله ضميره

شمس الى من اشرقت والدجا طاف..غابت نجومك غصب لو هي كثيـره

السيف مايزهى سوى كف سيــاف .. والخيل دون حصانها مستخيـــــره
بس أنت دورلك على قدك لحــــاف .. وان طعتني دور بدلنا عشيــــــره

وشعراء وردووود ارووووووع صح لسان الشاعره الخليجيه
والله يرحمك ياطلال الرشيد حقاً مبدعين

تقبل مروووري اخوي ابو نايف

[فهد العايضي]

نايف الرد كان اقوى بيضالله وجهك



عز الله ان الطيب في بنت الاشراف ..... اللي على الحشمه تربت صغيره
ولا تبين منها كود الاطراف ..... مثل القماشه فالبحور الغزيره
ياللي تدور بالجواهر والاصداف .. .. . الزين كله في بنات الجزيره
مافيه احلى من بنات البدو وبنات الخليج عموم
تقبل مروري

[مذكر الرشيدي]

الله يعطيك العافيه على الاختيار الرائع
ولكن بيض الله وجهها على الرد المسكت
والمغربيات اشهد لهن بالزين

[ابو سعود]

يه يه كلامات قويه


يعطيك العافيه

[نافع دميات الدريبي]

قصيده رائعه ورد اروع مشكوور ياابو نايف