[مهاوش]

فضل سوره البقرة(قال الرسول صلى الله عليه وسلم(أقرأوا سورة البقرة ،فإن أخذها بركة،وتركها حسرة, ولاتستطيعها البطلة أي السحرة)

سبحان الله تأملو في الحديث قراءتها فيها بركة على الانسان
وتركها حسرة على الانسان
ومن قرأها لم يستطيع عليه السحرة
قال الرسول صلى الله علية وسلم (لاتجعلوا بيوتكم مقابر،إن الشيطان ينفر من البيت الذي تقرأ فيه سورة البقرة)

عندك مشكله
أنصحك بقراءة سورة البقرة

فيه حرمه دقت على احدى الداعيات وقالت لها انا وعندي بناتي الثلاث
حياتنا متدهوره ووضعنا صعب
بناتي اللي مطلقه واللي معلقه واللي تأخرت ماتزوجت
والمشاكل تجينا من كل مكان
وعايشين بـ هم وغم وضيقة صدر ماتنطاق .!
قالت لها الداعيه .. ابغاك انتي وبناتك تقرون سورة البقره كامله يوميا
لمدة 40 يوم وبعدها ارجعي وكلميني
وبعد 40 يوم اتصلت الحرمه وقالت حصل شي غريب!!
اليوم كلنا استفرغنا !!
قالت الداعيه ارجعوا اقروها مره ثانيه ولمدة اربعين يوم وارجعي كلميني
وبعد اربعين يوم رجعت وكلمتها قالت اني وبناتي كلنا حلمنا بأختي!!
قالت الداعيه طيب ارجعوا واقروها 40 يوم وارجعوا كلموني
وبعد اربعين يوم اتصلت الحرمه وقالت ان اختي اللي حلمنا فيها
تعبانه ومايدرون وش فيها !
قالت لها ان (((اختك كانت ساحرتكم)))
والحين انقلب سحرها عليها !!

وانا من تجربتي ..
في فتره كنت اعاني من ظروف صعبه
وكانت نفسيتي دماااار انام وانا اصيح واصحى وانا اصيح
معاد اشوف قدام عيوني غير سواد من الحزن اللي فيني
وقالت لي اختي جربي تقرين لو كل يوم جزء من سورة البقره
وان شاء الله بتفيدك
وصرت يوميا اقرا 4 وجوه اول مااصحى
كم يوم وانا الحمدلله تحسنت كثيييير نفسيا \ جسميا
بديت ارجع لطبيعتي والاهم من هذا كنت احس بطمأنينة حلوووه
وكل ماخلصت رجعت وبديت فيها
وياربي لك الحمد

ياكثر ياكثر من فادتهم هالسورة المباركة

بنت خالتي لها 4سنين ماحملت تصدقون تقول قريت سورة البقره شهر او شهرين بعدها حملت
امي كان معها نزيف جلست شهر على هالوضع نفس الشي قرأت سورة البقرة سبحان الله وقف النزيف
مع إن المستشفى عطوها علاجات بس مانفعت

اعرف وحده قسم بالله قدام عيوني زوجها صاد عنها ولا يناظرها لاهي ولا عيالها ودايم صاك على نفسه الباب عند الدش
ومن شاروا عليها بالبقرة وهي تقراها وتدعي ربها ومتيقنه بفرج رب العالمين
هالحين قسما بالله الرجال مغير يناظر امورها ويشوف وش تحب ويزكها فلوس وهي مغير تحمد ربها
العلاج سهل الله ينور بصايرنا ويفتح على قلوبنا...ويالله نشد حيلنا.......

كما هو نقلت

الموضوع الأصلي: ** عندك مشكلة عليك بسورة البقرة ** | | الكاتب: مهاوش | | المصدر: شبكة بني عبس

[الـشـقـاوي]

جزااك الله الف خيررررر

[مهاوش]

مشكوور على المروور