[سعد الشقل]

شيكاواقير

مساالخير ياللي رأس مالك مساالخير=يـقـول المـثـل رزق الذيـابـه نـهـابـه
لو الـرزق بيديـن الآوادم عشاالطيـر=غـدابـه بـنـادم بـيـن شـهـب الـذيـابـه

وضاح اليمن

مساء الخير ياروس الرجال المناعير=من الشاعر اللي ما ينقض جوابـه
ومسي بعد ذولا بشاعـر شناكيـر=هلابه مـن حـدود اليمـن للهابـه

شيكاواقير

قطعت الاشارة--مستعد اعكس السير=مادام الخطـأ فبلادكـم فتـح بابـه
شناكيـر جيرانـي واناشيكاواقيـر=مالومك تشوف ان الاسامي تشابـه

وضاح اليمن

نخالفك يامنك عكسـت المعابيـر=بقانون رسمي كل شخصن رضابه
بلشنا بساميكـم شكاواقيروالعيـر=تقول الفضا ضايق ولابه رحابـه

شيكاواقير

سلامات يابغداد مـن تونـي بليـر=وسلامات يالقوس العوج والربابـه
مزاج الخليجي غير واهل اليمن غير=مثل فرق شرقي آسيا عـن صبابـه

وضاح اليمن

سلامات ياجده وحـرة زبيعيـر=وسلامات ياحايل ويهضاب طابه
ضنونك تبي تحذفك في جمة البير=وانا ابو يمن زيدي ولابه غرابه

شيكاواقير

زبيعير مدري هم بني عبس ومطير=او اديار تنزلهـا بـوادي شبابـه
ظنوني تبا تحدّرك مع وادي النيـر=واناشيكاوا ربعي وحوش وعصابه

وضاح اليمن

تجاهل ديار مرحبت بالخطاطيـر=بني عبس عزك نعم والله قرابـه
عليه من حزامي صبي المخاسير=فلا احدر مع الوادي ولاقرب ترابه

شيكاواقير

اجل ويش جابك عندهم ياطميهيـر=وانا خابر ٍ نصف اليمن وسط غابه
علي الطلاق ان تشكي الجوريابعير=ولاتنوخ بوادي ربيـع(ن) جنابـه

وضاح اليمن

انا ماني عبد احرص بصوغ التعابير=ترى من حكا بالغير غيـره حكابـه
تبا تنطلق عنقـن تحـط الدواويـر=ويصبح عزوبي فوق ظهره زهابـه

الموضوع الأصلي: وضاح اليمن × شيكاواقير | | الكاتب: سعد الشقل | | المصدر: شبكة بني عبس

[فهد المويسه]

مشكور على تنسيق هذا الطاروق الرائع

وصح لسان الشعراء

والله يعطيك العافيه

وتقبل سلامي