[ابن سعدون]

السلام عليكم ورحمة الله وبركاتة ,,,,,,,,,,,,,

هدية خالي دفعتني لكتابة قصيده ,,,,,,,, هذي القصة حدثت لي قبل ثلاث سنوات

اها لي خالي هدية بالفعل هديه غاليه من غالي والهديه هي طير (صقر)

دربني كيف ارعى واحافظ على الصقور .

قنصة معه .....وكان لطيري مميزات يمكن انا معجب فيه بس

المهم ما اطول عليكم جلس معي تقريبا سنه وثلاث شهور

وبعدها هديته على صيده وعلى هاك الهده ,,,,,,,,,

وانتظرته ,,,,,,,, بس مارجع حتى كل يوم اروح للمكان اللي انا هديته

فيه بس للأسف ماله لا حس ولا نس.....

وقلت هذا القصيده/

وترى القصيده مكسرة شوي بس اول قصيده لي ////////////

يا طيري يالي تبرءا حالي ما لك رجعه
لــك عندي امانه مخفيه بين الضلوع

ضعت يا طيري قبل لا يهل هلال سبعه
وباقي فيك من الهداة ما يولع ولوع

طيري له هدت(ن) مثل البرق اللي تشيعه
وفزت(ن) على الصيـــد تهده لطلـوع

افتخر فيه يوم نطلع مع اهل الطليعه
ويسبق احرارهم يوم فـزت الـطلـوع

والحباري يحطها في ربده شنيعه
تشهد له آبانات يوم ضحى السطــوع

بوصفه ما لقيت غير ابو تركي محرر الشريعه
شيخ(ن) رافع(ن) راية التوحيد ضد الفجوع

ومن عقبه يا هلي ضاقت بي الوسيعه
وأنـــطــفـــة انـــواري لو هي شمـــوع

أنادي بأعلى الأصوات الرفيعه
لـــطـيري اللي كفخ وما أظن له رجــــوع

يا رب دخيلك عن حياة القطيعه
وعن حيـــاة(ن) مافيها صلاه ولا خــشــوع

يا اهل القنص ما شفتو لي بالهواء وديعه
مثل برق الشمـــال ولا هو من الــتبــوع

عشاه من نحر الحباري في أرض(ن) وسيعه
أرض ملوك ولا هو في عيــــشــتـه مخــــدوع

غلاته غلاة عزوتي و لا فكرة أبيعه
ولا فكرت في هدته لعشاء الهواء من غير جـوع

طيري ما لقيت له بديل ولا شبيه ولا صنيعه
في ذكراه أخذ العبرات وأذوق الحسرات من التبوع

يارب طالب(ن) منك العوض في ليلة(ن) هجيعه
بردة أسير(ن) جـاهـــد حتى صار بـــدون أدروع

ياعرب لا تلوموني بكثرة مديحه
ترى ماله بالهواء دوار ولا هو حي(ن) له رجوع

وسلامتكم /

هذي القصيده كتبتها بثلاث ايام
عام 1425 بشهر شوال
كنت بثالث ثانوي ...ايام البحث عن النسبه

اريد كل واحد منكم يعلق على قصيدتي

والنقد مفتوح ,,,,,, وهي مكسره شوي مو واجد

تقبلوا تحياتي

اخوكم / محمد المظيبري

الموضوع الأصلي: هدية خالي دفعتني لكتابة قصيدة | | الكاتب: ابن سعدون | | المصدر: شبكة بني عبس

[محمد السنيني]

صح اللسانك ابن سعدوون
وجعل ربي يوفقك

[العريض]

هلابك ابن سعدون وانت حكمت على القصيده انها مكسره فعلا مكسره تحياتي لك

[ابن سعدون]

صح مكسوره اجبرتني المعاني على كسرها

بس مكسوره بالبيتين الاولى
والبيت الاخير......... وبس

[كهل الصباء]

بن سعدون؟
يسعد مسائك.

صراحة أعجبتني شجاعتك بالإعتراف بالكسور الموجودة بالقصيدة وهذا له مدلول كبير بالنسبة لي وهو إمكانية التعلم من أخطائك وتعديلها لأن من شروط طلب العلم لطالب العلم أن لا يخجل من السؤال ولا يكابر...أتمنى أن أراك شاعراً علما في القريب العاجل إن شاء الله.

وبالتوفيق.

[امير الحرف 2]

ابن سعدون هذه ليس لها علاقه بالشعر بتاتا انها مجرد كلام مثل اي كلام اخر

امير الحرف

نتحاور لنتناور

[عايض بن صالح]

شد حيلك يابن سعدون الله يعقل عليك طيرك

والا يعوضك بخير منه

تحياتي

[صالح مخلف المظيبري]

صح لسانك
والله يعوضك بخير منه
وبما انه اول قصيده ماني بنقده
تحياتي لك