[العريض]

تدري وش اللي يجرح القلب جرحين
..................ويمد حبـل الحـزن فيـك ويشـده
انك تناظر طفل مـن غيـر ابويـن
.................يمشي ودمعـة سايـل فـوق خـده
منظر صعيب ويقسم القلـب قسميـن
................لا قـام يمسـح دمعـة بكـف يـده
يمشي ولا يدري طريقة علـى ويـن
...............لين التعب من كثـر مـا تـاه هـده
اثقل حـروف يشيلهـا فيـة حرفيـن
...............لا أب يـدريـبـه ولا أم تـــرده
في خطوته رحلـة ودمعـة وسكيـن
................وحـظ توسـد بالمراسـي مـخـده
جيت اسألـة بالله قللـي ولـد ميـن
...............وبغي يجاوب واختنـق صـوت رده
أنـا يتيـم ومـا لدربـي عنـاويـن
...............وجزر الحزن فينـي يسـاوي لمـده
وطعم الطفولة ما عرفته لهـا لحيـن
.............وثوب السعادة صـرت مانيـب قـده
ابكي إلى من شفت غيـري سعيديـن
................ليـن البكـا فينـي يوصـل لحـده
واقفي ورحت امسح دموعي من العين
...............وعيني تناظـر دمعتـه فـوق خـده
وهذا اللي يجـرح القلـب جرحيـن
..............ويمد حبل الحـزن غصـب ويشـده

الموضوع الأصلي: تدري وش اللي يجرح القلب جرحين*ويمدحبل الحزن فيك ويشده | | الكاتب: العريض | | المصدر: شبكة بني عبس

[زهو الايام]

يمشي ولا يدري طريقة علـى ويـن
...............لين التعب من كثـر مـا تـاه هـده


صح السان الشاعر ...وصحت يمينك على هذا النقل الراااااائع

الله لايحرم احد من والديه اللي بدونهم الحياه ماتسوااا

والله يطول باعمار والدينا ووالديك واللي يمرون على هالقصيده الراااائعه

[عبداللطيف العايضي]

لله درك يا حجاج العريض

على هذاه القصيدة اللذي تعبر عن نفسها الله أبداااااااااع شعري جميل


تحياااتي لك

[العريض]

اقتباس من مشاركة زهو الايام يمشي ولا يدري طريقة علـى ويـن ...............لين التعب من كثـر مـا تـاه هـده صح السان الشاعر ...وصحت يمينك على هذا النقل الراااااائع الله لايحرم احد من والديه اللي بدونهم الحياه ماتسوااا والله يطول باعمار والدينا ووالديك واللي يمرون على هالقصيده الراااائعه

اللهم اميييييييين

زهو الايام اشكرك على المرور الرائع

دمتي بحفظ الرحمن

[العريض]

اقتباس من مشاركة عبداللطيف العايضي لله درك يا حجاج العريض على هذاه القصيدة اللذي تعبر عن نفسها الله أبداااااااااع شعري جميل تحياااتي لك

اخي العزيز

عبداللطيف العايضي


يشرفني مرورك الكريم

لاهنت ياغالي دمت بود

[سويلم مناحي]

[;لله درك يا حجاج العريض

على هذاه القصيدة اللذي تعبر عن نفسها الله أبداااااااااع شعري جميل


تحياااتي لك

[ابو محمد العريض]

لا هنت يابو ماجد










تحياتى

[بنت النور]

مشكور حجاج العريض


نقل رائع