[مبارك الشويلع]

السلام عليكم ورحمة الله وبركاته

قصيده اعجبتني واحببت ان انقلها لكم

سجه مع الهاجوس طبيعةٍ لي = طبيعةٍ بموت ما جزت منها
اشكي على الخلاق وارفع له ايدي = لا كثرت الافكار يفك منها
اما الكرم قد فازبه حاتم الطي = حتى الفرس من شان ضيفه طعنها
خلوني اكرم في حياتي وانا حي = ولا مت مدري جثتي من دفنها
خـلـقــــت في الدنيا واناما معي شي = وبـــــروح منها مامعي شي منها
مسكين ياللي تحسب الواجد اشوي = والعافيه لو تنشرى وش ثمنها
يا جاهل الدنيا تراها كما الفي = يا مخبل اللي في حياته ومنها
ان ناحرت لك قامت تروح واتجي = مثل الذلول اللي طويلٍ رسنها
وان دبرت خلتك طايح ومرمي = وكم واحدٍ له حاجةٍ ما ضمنها
لا بد مانرحل عن المزح والغي = ونسكن بيوتٍ قبلنا من سكنها
النفس مثل الغصن عايش على الري = ولولاه كل الناس عافت وطنها
يالله عسا الحسنات تقضي على السي = لا قربوا للنفس ذرعة كفنها

للشاعر // مبارك بن فايز السبيعي


وأيضاً هذه مجاراه لها

خــلـــقت بالدنيا وانا ما معي شي = وبـــــروح منها ما معي شي منها
خلوني استانس بها دامني حي = لا مت مدري جثتي من دفنها
اشوي ندله واربع ايام وشوي = ندفع لسجتنا القليله ثمنها
والرابح اللي لا نطوت صفحته طي = في طاعة الله رحمة الله ضمنها

لــــــــــــــ...... مفرج بن مفرح السبيعي

الموضوع الأصلي: خلقت فالدنيا وانا مامعي شيء..! | | الكاتب: مبارك الشويلع | | المصدر: شبكة بني عبس

[المجهول]

مبارك بن فايز السبيعي


أبو عبد الله

جزاك الله خيرا على حسن الاختيا ر ومثل ما قال الشاعر

يالله عسى الحسنات تقضي على السي

لاقربوا للنفس ذرعه كفنها


الشاعر مفرج السبيعي

لله درك على الابيات الرائعه

والرابح اللي لانطوت صفحته طي

في طا عه الله رحمه الله ضمنها

فالكم الجنه

[بدر نوران]

:
:

أبو عبدالله


نقل متميو واكثر من رائع


انت هكذااا ... متألق بطرحك ونقلكـ ...


كل الشكر لك


أخوك
الوافي

:
:

[سعد الفلاح]

خلوني اكرم في حياتـي وانـا حـي=ولا مت مدري جثتـي مـن دفنهـا
خلقت في الدنيا وانامـا معـي شـي=وبروح منهـا مامعـي شـي منهـا

ياالله حسن الخاتمه

مشكوور بوعبدالله على النقل وصح اللسان شاعرها وتسلم يمينك ولاهنت

[فيصل الرشيدي]

اختيااااار رائع ,,, قصيدة جزلة بكل ما تحمل من معاني ,,

تسلم يمينك ابوعبدالله على النقل ,,,


ربي يوفقكم

[مبارك الشويلع]

اقتباس من مشاركة المجهول مبارك بن فايز السبيعي أبو عبد الله جزاك الله خيرا على حسن الاختيا ر ومثل ما قال الشاعر يالله عسى الحسنات تقضي على السي لاقربوا للنفس ذرعه كفنها الشاعر مفرج السبيعي لله درك على الابيات الرائعه والرابح اللي لانطوت صفحته طي في طا عه الله رحمه الله ضمنها فالكم الجنه

بارك الله فيك اخي الفاضل

ولاهنت على مرورك وردك الطيب


وصح لسان الشاعرين

على هذه الحكم والجزاله

[مبارك الشويلع]

اقتباس من مشاركة سعد الفلاح خلوني اكرم في حياتـي وانـا حـي=ولا مت مدري جثتـي مـن دفنهـا خلقت في الدنيا وانامـا معـي شـي=وبروح منهـا مامعـي شـي منهـا ياالله حسن الخاتمه مشكوور بوعبدالله على النقل وصح اللسان شاعرها وتسلم يمينك ولاهنت

بارك الله في يالغالي

وأسأل الله حسن الخاتمه لي ولكم , آمين

العفو

ولاهنت على مرورك وردك الطيب

[فواز الدواي]

خلوني اكرم في حياتـي وانـا حـي
ولا مت مدري جثتـي مـن دفنهـا
خلقت في الدنيا وانامـا معـي شـي
وبروح منهـا مامعـي شـي منهـا

جزله وحكمه

لاهنت على النقل وصح السان شاعرها