[عبدالعزيز القعبوبي]

أهدي إليكم هذه القصيده أتمنى ان تنال إعجابكم

البارحه يوم كل(ن) نام بفراشه=النوم عيّا عيوني لايرافقها
سهرت ليلي وكل الهم محتاشه=أسامر الليل والظلما مصادقها
كله لاجل صورة(ن) عرضت على الشاشه=شاشة موبايل بجواله منسقها
صوره من أسما الصور في منصب الباشه=ديكورها الملح والكبريت عاشقها
ماهي مسلسل حكاية خاله قماشه=ولاهي بلوت(ن) بيد حريف فرقها
ولاهي سياسة دول في فكر حشاشه=ولاهي قذايف قنابل من خنادقها
ولاهي بسلعة ذهب بيدين غشاشه=ولاهي بموتر شبح في دي عشقها
ولاهي شجاعة خبل يبلشك بهواشه=ولاهي سوالف كذوب(ن) قام لفقها
ولاهي رواية عكاشه وابو عكاشه=ولاهي كتابات صعلوك(ن) يزحلقها
صمت(ن) تفجر من الشاعر ومن جاشه=عبير بوح(ن) يعانقني واعانقها
فصلتها بالشعر تفصيل دشداشه=واللي عرفها من الشعار ينطقها

أخوكم الشاعر:

عبــدالعــزيز صــــالح القعبـــوبي

الموضوع الأصلي: صــوره من اســما الصــور | | الكاتب: عبدالعزيز القعبوبي | | المصدر: شبكة بني عبس

[فيصل الرشيدي]

الله الله الله


صح لسانك

يعطيك العافية ولا هنت

الى الامام وفقك الله

بانتظار جديدك

[عبدالعزيز الخياري]

صمت(ن) تفجر من الشاعر ومن جاشـه=عبيـر بـوح(ن) يعانقنـي واعانقـهـا
فصلتهـا بالشعـر تفصيـل دشـداشـه=واللـي عرفهـا مـن الشعـار ينطقهـا

صح لسانك ابو صالح على هالقصيده الجزله وسلم فكرك

قصيده وافيه من وافي فمهما كتبت عنها فلن اوفيها حقها

لانها من شاعر رائع ومبدع في نفس الوقت

اتمنى لك التوفيق ابو صالح ولا أقول لك إلا

((صح لساااانك مليووووون)))

تقبل تحياتي

[عبدالعزيز الخياري]

سجل إعجابي ابو صالح

[سامي الشويلعي]

صح لسانك

يعطيك العافية ولا هنت

الى الامام وفقك الله

[ابوطلال@]

ابيات قوووووووويه صح لساااااااااااااانك يابووووووووصالح

[سالم الرشيدي]

صح لسانك

يعطيك العافية ولا هنت

الى الامام وفقك الله