[مســاعد]

آخر عباراتي وداع ..وآخر مشاويري رحيل
جيتك وبي لفحة ضما واقفيت كبدي ناشفه

اصعب كلام أصعب خبر صرخه عقب صمت طويل
مثل الهدوء اللي سبق لحظة هبوب العاصفه

وأنتي بمتناول يدي ... تبدين مثل المستحيل
في عشرتك صوت العقل يقتل طموح العاصفه

الحب ماهو كل شي إليا وقف حظٍ بخيل
قلوبنا مثل العسل بس الظروف مصالفه

لاللندم ..لاللعتب .. أوشي من هذا القبيل
وانتي ماجا منك خطا حتى تقولي اسفه

من غير ليه .. استسلمي ..واستلهمي صبرٍجميل
ولاتسأليني وش جرى مالك بطول السالفه

قولي لهم ياعزوتي ماعابنا موت النخيل
اللي يوافيها الأجل وتموت لكن واقفه

آخر عباراتي وداع آخر مشاويري رحيل
جيتك وكبدي ناشفه واقفيت كبدي ناشفه


مساعدربيع الرشيدي



.

الموضوع الأصلي: لاللندم | | الكاتب: مســاعد | | المصدر: شبكة بني عبس

[العريض]

يعطيك العافيه

مساااااعد

نقل رائع وموفق الف لاهنت

[ثامر الخياري]

قولي لهم ياعزوتي ماعابنا موت النخيل
اللي يوافيها الأجل وتموت لكن واقفه

لاهنت يامساعد على هذا النقل الاكثر من رائع,,,

وصح لسان الشاعر,,,

تقبل مروري وشكرآ.

[عبس404]

قصيده رائعه وشكرا على نقلها

[أإأنهيـار قمـه]

اختيار رائع