[ام جوانا]

يبقي ابن افطيس شاعري المفضل

البارح سمعت قصيده الضيقه اللي دايم تالي عصير جره ربابه

بصراحه هزتني لاني امر بظروف صعبه شوي وحبيت انقلها لكم

الضيقة اللـي دايـمٍ تالـي عصيـر

...وش حيلتـي وأردهــا لا تجيـنـي

لا طال ظل العود حزة عشـى الطيـر

....كنها على سجـن الحديـد تحدينـي

يضيق صدري كل ما جـات وأسيـر

....ولايخفـف سـوج رجلـي حنينـي

لا حولنا مشـراف ولا اقـدر اطيـر

....يالله قسـمـة خـيـر لا تبتليـنـي

وعقارب الساعة توقف عن السيـر

....ولاكن في الدوحة سواتـي حزينـي

والعبره اللي تاصل الحلـق وتحيـر

....يا قربها لو قيـل لـي يـا عوينـي

أمل شـوف النـاس ورد ومصاديـر

....واللي يقول اشفيـك كنـه يهجينـي

يعني على ما قيل من بـاب تصويـر

....(لاحدٍ أبي قربـه ولا أحـدٍ يبينـي)

أروح أدور خـط مـابـه دواويــر

....وأدور الـلـي هـادهـا تهتديـنـي

وآخذ مع الهاجـوس سجـة وتفكيـر

....وأراجع اللـي فـات بينـي وبينـي

وأحسـب ذنوبـي وأدور التكفـيـر

....عساي مـا قصـرت فـي والدينـي

وعساي ما قارنت من ينفـخ الكيـر

....واللي يحمل المسـك جعلـه قرينـي

ويطري علي يوم الحشر وأطلب مجير

....ما أعطى كتابي في شقيقـة يمينـي

ويطري علي صدقان كثـر الدنانيـر

....اللـي اتعادينـي إلا كـثـر ديـنـي

وراعي الهروج اللي سوات المناشير

....أصـد عنـه وأدري انـه يعنيـنـي

الله حسيبه يـوم عـرض القواويـر

....والله حسبـي مـن صـواب مكينـي

وإلا طرالـي واحـد كانـه اصغيـر

....أم أصغـر بيومـيـن ولا سنيـنـي

دريت وش قومـي وعينـت تفسيـر

....للضيقة اللـي مـن زمـن تعتلينـي

حبه بصدري سالفة سـر فـي بيـر

....وكـن الفـواد يقـول هـذا زبينـي

أشفق على علمٍ يجي منه مـن غيـر

....لا يسمع اللي سولفـوا بـه ونينـي

يا كثرهم غيرهم ولكـن خبـر خيـر

....ما غير شوفه في الوجـود يهنينـي

رايي كـذا يـا عاشقيـن الغناديـر

....ماله على وجـه البسيطـه وزينـي

العام أجيهم مـن حسـاب المساييـر

....واليوم حـال عـداي وينـه ووينـي

خطاي تعليق الأمـل فـي المدابيـر

....اليـن راح وشفـت حقـري بعينـي

صبرٍ جميـل وخابـر إنـه مقاديـر

....والله على تخفيـف حزنـي عوينـي

ذي حالتي لين اتغبا الشمس واصيـر

.....معطى سراحي عقب مانـا سجينـي

واذا امتلى جوف الشجر بالعصافيـر

....طلبـت مـن رب العبـاد يهديـنـي

يعتقني المذن عقب ضيقـة عصيـر

....اللي على سجـن الفـراق اتحدينـي

وسلامتكم .............

الموضوع الأصلي: الضيقه اللي دايم تالي عصير ((ابن فطيس)) | | الكاتب: ام جوانا | | المصدر: شبكة بني عبس

[سلطان الغرام _]

صباح الخير


نقل جميل وذق فايق الجمال يعطيك العافيه وسلامتك من الظيقه

[العريض]

هههههههههههه

ممكن نسمعها بصوتك

صح لسان بن فطيس


نقل رائع يدل على ذوقك الرفيع

ايات الشكر لك ام جوانا
دمتي بود

[صوت البدر]

ام جوانا

صح لسان الشاعر ابن فطيس وشكرا على انتقاءك للشعر الجزل
دمتي بحفظ الله

[ام جوانا]

اقتباس من مشاركة سلطان الغرام _ صباح الخير نقل جميل وذق فايق الجمال يعطيك العافيه وسلامتك من الظيقه

الله يسلمك ياسلطان واسعدني مرورك

[ام جوانا]

اقتباس من مشاركة حجاج العريض هههههههههههه ممكن نسمعها بصوتك صح لسان بن فطيس نقل رائع يدل على ذوقك الرفيع ايات الشكر لك ام جوانا دمتي بود

والاحلى لما نسمعها بصوتك ياشاعرنا

اشكرك على المرور الذي اسعدني

[ام جوانا]

اقتباس من مشاركة صوت البدر ام جوانا صح لسان الشاعر ابن فطيس وشكرا على انتقاءك للشعر الجزل دمتي بحفظ الله

أشكرك على مرورك الذي عطر سماء صفحتي وزادها تألقا بحضورك

[ثنيان العجرمي]

الله يعطيك العافية



بس لو نزلتي جرة الربابة بنسمعها

تقبل مروري