[ماجد الذيابي]

لاجيت أتوج منيتي تـاج شعـري

كل القصايد ترتمي تحـت الاقـدام

فتنت سحر أم الدلع زيـن يغـري

حتى الطفل لاشافها عض الأبهـام

لوحت حسن لون البرد لون سحري

أبن آدم أن مرت قضى الليل مانام

دم الظبي في خدهـا دوم يجـري

جمرة غضى تدفي على طول الأيام

كن السحاب أن شافها قال بسـري

لجلك وسوق البرق في حب وأهيام

البارحه قالو مطـر وانـت تـدري

قلت الحيا والخير في شوفها هـام

الليل يسئلها وهي تقـول مـدري

عن لونه اللي ظامه الليل وانظـام

وعيونها وارموشها أوجه بـدري

وشلون أوصف شي ماهو بالأحلام

أسوق قلبي والغـلا لـي عـذري

دامي على النيه ولا حب الأعـلام

شاعر وهمي شايله وسط صـدري

محد(ن) درابه كود قلبي والأعـوام

البارحه شفت المطر قلت بسـري

مع طيفها وعيونها وسط الأحـلام

الموضوع الأصلي: حتى الطفل لاشافها عض الأبهـام......!؟ | | الكاتب: ماجد الذيابي | | المصدر: شبكة بني عبس

[سيف العشق]

صح لسانك يابوعوض


دمــت بــود