[محمد الشويلعي]

السلام عليكم ورحمة الله وبركاته


أخواني اخواتي دعوة لي أولاً ثم للجميع بالتوبه والرجوع الى الله دائماً

وهذه القصيده دعوه من القلب الى القلب لكل من احب في هالمنتدى الرائع ولعموم المسلمين للتوبــــــه .


اقول فيها.

ياصاحب العقل.. بادر والحق التوبه = بادر لربن كريم وفاتحن بابه
يفرح بتوبتك وتصير انت محبوبه= وتصير جار النبي وتجاور اصحابه
تب والحق العمر قبل يبين عذروبه =من قبل الامراض والاوجاع تنتابه
ومن قبل يكسي شعرك الشيب وايلوبه = ومن قبل داب الكبر ينهشك بانيابه
واحذر يغرك كلام ابليس واسلوبه=وتقول بعدين لين العمر يسرابه
العمر محدود والايام محسوبه=ولا تنتبه لين تلقى الرب وحسابه
في ساعة والخلايق منه مرعوبه= في ساعة قالها المعبود في اكتابه
فيها هل الشر للنيرا ن مسحوبه =والخل يلعن خليله ويش سوابه
والظالم يصيح واليدين مقضوبه= و من الندم فاليدين يسقط انيابه
الاكل زقوم والغسلين مشروبه =والنار توقد علاه و دوم شبابه
ماينفع الرجل سل السيف وضروبه = ولا ينفعه طيب ابوه وضرب مشعابه
ولا ينفــــعه رزة المشلح ولا ثوبه =ولا ينفعه كثرة افلوسه ولا انسابه
ماينفعه غير فعل الخير وادروبه = ولاينفعه غير تبع الحق واسبابه
يقوم ليله صلاه وعز مطلوبه = ذكرن وتسبيح والقوران يقرابه
ومجالس الذكر عنده دوم مرغوبه =زادن لمنهم العليين طلابه
اللي اليا ذكروا بالخير فرحوبه = اللي تركوا صاحب الدنيا اوماجابه
اللي ليا جاهم الناصح تحفووبه = و من حبهم للنبي دومن تحلابه
والخاتمه فوق من هو دك عرقوبه =في يوم الاحزاب ضد ابيليس واحزابه
اعداد همال مزنن بانت اسحوبه= واعداد من شاهد المشعر ولبابه
صلاة ربي على خله ومحبوبه = صلاة ربي علاه وصفوة اصحابه

الموضوع الأصلي: الـــــــــــتـــــــــــــوبـــــــــــــــة | | الكاتب: محمد الشويلعي | | المصدر: شبكة بني عبس

[بنت العبسي]

:p

صح لسانك أخوي محمد والله قصيدة غاية في الروعة

بوح ايماني قوي جزاك الله عنا الخير الوفير

[بوسعد العويمري]

صح لسانك اخوي محمد وجزاك الله خير;)

[أبونواف]

صح لسانك اخوي محمد وجزاك الله خير

[مسندالعويمري]

جزاك الله خير

بوح ايماني قوي جزاك الله عنا الخير الوفير

[محمد الشويلعي]

اشكركم على مروركم والله يعطيكم العافية

[عايض بن صالح]

صح السانك يامحمد على هذه الموعضه الجزله
اسئل الله العلي العضيم ان ينفع بيها
جزاك الله خير الجزا

[مبارك الشويلع]

ماينفعه غير فعـل الخيـر وادروبـه &&ولاينفعه غير تبـع الحـق واسبابـه
يقوم ليلـه صـلاه وعـز مطلوبـه &&ذكرن وتسبيـح والقـوران يقرابـه
ومجالس الذكر عنـده دوم مرغوبـه&& زادن لمنـهـم العليـيـن طـلابـه
اللي اليـا ذكـروا بالخيـر فرحوبـه &&اللي تركوا صاحب الدنيـا اوماجابـه
اللي ليا جاهـم الناصـح تحفووبـه&& و من حبهم للنبـي دومـن تحلابـه

الله الله

جزاك الله خير وبارك الله فيك

ياشاعرنا الرااائع

محمد الشويلعي

على هذه القصيده النصيحه والوعظيـــه

نفع الله بما تقدم

وأسأل الله ان تكون شفيعتاً لك يوم القيامه وان تكون في موازين حسناتك


اللهم آميـــن





ننتظر جديدك الجزل المفيد


وتقبل فااااااااااااائق احترامي وتقديري