[عادل بن هون]

اعزائي الله يسعد اوقاتكم بكل خير
اسمحوا لي بهذه الابيات ارجوا ان تنال اعجابكم

قصيده مهداه الى ابن العم الخلوق:سعودتركي بن هون

حييت يامن زارني في محلي=وهذي زياراتك تجي دون ميعـــــــــــــاد
يامرحباً بك والف ياطيف خلي=شرفت ياطيف الغضي غض الانهــــــــــاد
شرفت وانا عارفك ضيف عجلي =اجلس وخل عهود الاحباب تنعــــــــــــــــاد
خل السعاده بقلب عادل تحلي =واطردسراب الهم من قلب ابوعمـــــــــــاد
واترك دخيل الله عنك التغلي=وانقذ حيــــــاة انسان للموت وراااااااااااد
وارخ اللثام ارجوك يا شوق لاجلي=تراي تسع اسنين والجرح يـــــــــــزداد
نظر وقال العقل لاجلك مولي=وانا اسيرك لكن الصبر ما فـــــــــــــــاد
ووضع يدينه في يديني رضاً لي=وارخ اللثام وقال للشوق مـــــــــــــاراد
( وفزيت لكن بعدماراح خلي )=وكدر علي ياسعود فرحات الاعيــــــــاد
وجلست افكر ياترى وش حصل لي؟؟=لاعاد حلم الليل ياسعود لا عـــــــــــــــاد
منهو سواتي ما نفعه التسلي=ومن جرب الفرقى للاحزان ينقــــــــــاد
ياسعود من فرقاه يا سعود كم لي؟=عايش بقايا انسان ترميه الانكـــــــــاد
غلاه يابن العم بالقلب حلي =وانا على الاحزان ياسعود معتـــــــاد

الموضوع الأصلي: ابعــــــــــــــــــــاد وابعـــــــــــــاد وابعــــــاد000نسقوا اولا | | الكاتب: عادل بن هون | | المصدر: شبكة بني عبس

[العريض]

بيض الله وجهك يابن هون

[عادل بن هون]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[سعد بن عادي]

أبو مبارك الله يلوم اللي يلومك يا سنايدي


الفراق صعب صعب صعب


وقصيدتك تحكي عن واقع تعيشه البعض
و يا ابو مبارك جبتها علجراح يا صديقي


واشهد ان قصيدتك وافيه وافيه ويكفي انها من عادل بن هون

أخوك سعد بن حمد


ودمتم كما تحبون

[ماجد الذيابي]

صح لسانك يابو مبارك ولاهنت

[صوت البدر]

بيض الله وجهك ياشاعرنا واستاذنا عادل بن هون
قصيده رائعه كروعه كاتبها وابعد الله عنك الاحزان يابو مبارك لتسعد بمحبوبتك

[ياسر العرعري]

..


ياسعود من فرقاه يا سعود كـم لـي؟
عايش بقايا انسـان ترميـه الانكـاد
غـلاه يابـن العـم بالقلـب حلـي
وانا على الاحـزان ياسعـود معتـاد


أبو مبارك .. القلب باقي شباب .. حتى من بعد ( تذكرين وتذكرين وتذكرين )


صح السانك يالأمير .. ومايحتاج دايم الجزل مايجيب الا جزل .. "


لاهنت


أخوك ومحبك


..

[احمد سعود]

صح للسانك ياعادل
وان شاء الله يجيك صاحب الطيف بدل الطيف وتصبح بيد الواقع بعد الوهم
واهديك هذا البيت من بوح قلمي
البارحه جتني على ما تمنيت ..... ذكراك والا انت وينك وويني


وتقبل مرور محبكم ,,,,