[بندر نواف]

الإهداء:
إلى أكبر إمتداد قبلي عرفه العالم العربي
من الخليج شرقاً وحتى المحيط غرباً..
أبناء وبنات قبيلتي العزيزة الغالية..
قبيلة "بني رشيد" العبسية العريقة.

جيت أنا صدفه ومرّيت المكان
خابرٍ ماني من النوع/الجزوع

ومن ذكرت إنّ الزمن غير الزمان
كنّ روحي منّي إبتنزع نزوع !

آه.. أنا باصيح ياسيد الحسان
سيّلت ذكراك من عيني الدموع

ياشذى الجوري ونفح القحويان
واللة إنّي ماهقيت إنك قطوع

وأنت من ربعٍ ليا آن الأوآن
كلّهم قاموا من أقصاهم فزوع

وأنا من ربعٍ لهم قدرٍ وشان
من ربوعٍ حيّ واللة من ربوع

ياوليف الروح .. ياصاف الثمان
الهوى قتّال .. والفرقا تلوع

و"الرشيدي" دينه ودين الهوان
لو على جثـّته مايرضى الخضوع

ليت لي قلبٍ مثل قلبك عشان
لايحنّ ، ولايفكّر .. بالرجوع

شعر:
بندر نواف الرشيدي

الموضوع الأصلي: "الرشيدي" دينه ودين الهوان // لو جثـّته مايرضى الخضوع | | الكاتب: بندر نواف | | المصدر: شبكة بني عبس

[ابو محمد العريض]

و"الرشيدي" دينه ودين الهوان
لو على جثـّته مايرضى الخضوع


ليت لي قلبٍ مثل قلبك عشان
لايحنّ ، ولايفكّر .. بالرجوع

صح السانك


اخوى


بندر نواف

[الـفتى الـرشيدي]

وأنت من ربعٍ ليا آن الأوآن
كلّهم قاموا من أقصاهم فزوع


وأنا من ربعٍ لهم قدرٍ وشان
من ربوعٍ حيّ واللة من ربوع

كفووووووووووووووو

المتغبي صح لسانك

ولسان الشاعر بندر نواف الرشيدي

والرشيدي دينه ودين الهوان

وفيه قصيدة قريتها قبل فترة في جريدة الرياض اسمها جده اعتقد وكان شاعرها اسمه بندر نواف الرشيدي هل هو نفس شاعر القصيدة هذي ؟ ومن اي الرشايده ؟

[بندر نواف]

مشكور أخوي ابومحمد العريض
ومشكووور
أخوي الفتى الرشيدي
والشاعر الذي قرأت قصيدته في
جريدة الرياض
هو
الشاعر نفسه
صاحب هذة القصيدة وهو من :
( البراك ).

[بندر نواف]

شـكــراً للجـميــع ولاخـلا ولاعـدم.

[صاحب العبسي]

إخى المتغبي /
شطر البيت الذي أختير عنوان القيصدة
هو قصيدة بحد ذاته وذوق شعري رائع متمتع بحس قبلي .

وننتظر منك المزيد ، في الأختيار .
ولكمممممممممممممممممم تحياتي .

[بندر نواف]

مشكور أخوي صاحب العبسي على مروركـ وتعليقكـ الرائع
ولاخلا وعدم