[حمدالعازمي]

هذه قصيدة من قصايد الشاعر الكبير عوض بن خيران الكريباني العازمي
وهي غزليه قديمه يقول فيها ابو سامي :

يازين بالله استمع من يحاكيك = تراه بأحسن واصدق الهرج حاكاك
انا تراي اغليك واغليك واغليك = عساك تغلي واحدن مثل يغلاك
متي انتواعد وانتلاقا والاقيك = وتسعد بلقيانا ونسعد بلقياك
وكانك مصافيني تراني امصافيك = وعطني علا عهود المواثيق يمناك
امش ابمماشيي وانا امشي مماشيك = وامر وأنا يازين ممشاي ممشاك
الحب خلانا عبيدن مماليك = نخضع ونمشي بأمر مثلك وشرواك
اترك ارضاي ارضاي في شي يرضيك = ماعجبك يعجبني ويرضيني ارضاك
واصبحت من سبتك وسط الشرابيك = اثره صحيح ان المحبه اتشرباك
لا سلعة ً تنباع يازين واشريك = ولاشوفك الا بالمنا واتمناك
واهل المحبه مالهم شرع واشكيك = مالي سوا اشكيلك وحل انت شكواك

وسلامتكم

الموضوع الأصلي: رائعه لعوض خيران العازمي | | الكاتب: حمدالعازمي | | المصدر: شبكة بني عبس

[الاجهر]

تسلم اخي حمد العازمي على نقل القصيدة
وصح السان الشاعر
تقبل اجمل تحياتي

[حمدالعازمي]

الله يسلمك
ومانبي الا رضاكم

[سالم الرشيدي]

صح السااانك

وبيض الله وجهك

ومااننحرم منك

[حمدالعازمي]

تسلم يا سالم
الله لا يهينك

[رواية]

صح لسان قائلها وناقلها

الله يعطيك العافيه اخوي على هذا النقل

[سعد بن عادي]

صح لسانك ولسان شاعرهااا


تسلم تسلم

[حمدالعازمي]

صح ابدانكم جميعا
ولا هنتم والشاعر يستحق اكثر
من ذلك