[ساسي رشيدي]

بسم الله الرحمن الرحيم


حِط جوالك على الصامت حذاري يشغلونك
مابيك انا بالامسيه مشغول عن شِعري

أدري بجوالك شَغلْك عن هرج مضنونك
حشى كأنك سلعه اعلانها مُغري

كلٍ يبيك وكل خلق الله يحبونك
يعني الخلايق كذا تتلذذ بقهري

يخونك الحظ والجوال ميخونك
وافي معاك يدق وانا نفذ صبري

اغار والغيره وانا والناس يفدونك
اغار والجوال ذا يشعل لهب جمري

تدري بصراحه وش يصير بقلب مضنونك
لا من دخل لك خط ثاني بساعة الفجري

اقول في نفسي يليت ماعشت في كونك
ياليتني ميت يليت اصير في قبري

هَوَّن على مسمعك بالله على هونك
من صوت ذا الجوال وإلا اقول تدري

خَلّ العتب وقل لي سَمّعني افنونك
واسمّعك ذاك الشعر كاتبْه من صغري

يومي تعلّمت الغزل من نظرة اعيونك
ويومي تعلمت العتب لما ابتدا هجري

نذر ٍعلي واقولها والله لا صونك
واللي يبيني قلت له عليك ذا بدري

ودامي تحت سقف الغلا ولحافي اجفونك
ابيع انا كل الملا ولعشرتك اشري

الموضوع الأصلي: حِط جوالك على الصامت حذاري يشغلونك | | الكاتب: ساسي رشيدي | | المصدر: شبكة بني عبس

[الـــشــــيـــهانــة]

ودامي تحت سقف الغلا ولحافي اجفونك ابيع انا كل الملا ولعشرتك اشري

تسلم على الابيات الجميله
اختيار راقي قريب من الاحساس
تقبل مروري
ودمت بحفظ الرحمن

[ثنيان العجرمي]

صح السانك ولاهنت

[عبدالمجيد العنيزان]

مشكوووووووووووووووور
ع النقل

[احمد سعود]

خَلّ العتب وقل لي سَمّعني افنونك
واسمّعك ذاك الشعر كاتبْه من صغري

يومي تعلّمت الغزل من نظرة اعيونك
ويومي تعلمت العتب لما ابتدا هجري

نذر ٍعلي واقولها والله لا صونك
واللي يبيني قلت له عليك ذا بدري

ودامي تحت سقف الغلا ولحافي اجفونك
ابيع انا كل الملا ولعشرتك اشري

فديت الناقل والمنقوووووووووول
محبكم

[غاليه]

صح لسانك وألف لأهنت ..

قصيده جزله أشكرك ع النقل ..

تحياتي

[صـمـت الـجـروح]

صح لسان شاعرها ..

والله يعطيك العافيه على هذا التميز.

تقبل مروري