[رشيد]

ورقـة قـديـمــة
======
حمد المغـلوث

صح لسان الشاعر
وأقوله : حتى رشيد.!




يا رب صبرني على امرك وبلواك

وابجر عزا من شاف ضيم العزاير

مثل الدريك اللي على حوض الادراك

يبكي ودمعه فوق الاوجان جاير

يا عين هلي ذارف الدمع سفاك

وابكي وهاتي ما خفا من عباير

يا عين لا تبكين هذا ولا ذاك

الا ولا فرقا الأهل والعشاير

ابكي على سمح النبا حسن الاسلاك

اللي عليه مغوزر الدمع فاير

قلبي عليه من الولع فيه دكاك

والحال مني خلصت بالحساير

قدم العرب غادي بشوش وضحاك

والكبد يصلاها لهيب السعاير

يالله يا والي تصاريف الافلاك

يا مطفي نار السنين العساير

يا من لعسرات الشرابيك فكاك

والي السما والي جميع البصاير

اسألك من جودك وفضلك وحسناك

تجمع بشملي مع ظبي الزباير

الجادل اللي يصقل السن بالراك

حاوي محاسن محصنات الخداير

سبة عزاي وصار للروح ملاك

وارخصت له عمري وما بالذخاير

يازين روحي يا أريش العين تفداك

حيثك هواي وعن هوى الغير ذاير

يازين يا عذب اللما كيف بنساك

والحب سلطانه على الحال جاير

يا مورّد الخدين ما احلا سجاياك

يا سيد كلّ المترفات النظاير

يازين شفني من غرامك وفرقاك

كني على جالٍ من اليام هاير

سهرّ وانوح بنوح ورق على الراك

كذا تصفقني ركون العواير

الموضوع الأصلي: ورقـه قـديـمـه | | الكاتب: رشيد | | المصدر: شبكة بني عبس

[العريض]

لله درك

رشيد

صح لسان الشاعر حمد المغلوث

لاهنت على النقل الرائع

تحياتي لك

[ام جوانا]

روووعه بجد صح لسان الشاعر والناقل

لا عدمناك اخوي

[رشيد]

صح لسان شاعرها
ولاهنتم احبتي

شاكر لكم المرور

[عبدالاله الرشيدي]

رشيد

صح لسان الشاعر حمد المغلوث

لاهنت على النقل الرائع

تحياتي لك

[رشيد]

يسلمكم ربي ويسعدكم
شاكر لكم التثبيت ودمتم راقين.
صح لسان شاعرها ولاهنتم

[غاليه]

صح لسان الشاعر ..

ألف لأهنت ع النقل ..

وأختيار موفق ..

تحياتي

[رشيد]

سلمك الله انجيد

شاكر لك المرور