[الاجهر]

الشاعر مشعل النون

خاتـم بكـف آل صبـاح منـيـن ماوديتـهـا

أنا وذلولي وهقوتي والليـل والـدرب الطويـل=قمنـا نتشـاور كيـف نبنيهـا ونتقـن بيتهـا
والدرب فيه فهود وذيابـة وفرسـان وصهيـل=والله يعلم وش وراء المـسـرى بـعــد سريـتـهـا
عساي أحوزك يالرضا لالاح برق وسـال سيـل=ياطيب حظي كان روسـك يالجبـال ارضيتهـا
صح البداية شهادة اللجنة وأنـا عابـر سبيـل=وأفرحت ربعـي والعـواذل بالنجـاح أبكيتهـا
كسبت موقف وانتبهت وشفت في العين الدليـل=واصبحت في القمة وفي نفس المكان أمسيتهـا
اشيل ماحط الجمل وأقوم فـي الـوزن الثقيـل=حتى الظروف القاسيـة رغـم التعـب عديتهـا
خلقت احارب رهبة الممكن واحـب المستحيـل=واصنع مـن الابـداع تركيبـة شعـر سويتهـا
اجمع من أنواع الكثيـر اللـي يجيدونـه قليـل=واشره علي ان مااطـرب الجمهـور لاغنيتهـا
كله علشان الذي لامالت اشواقـي تميـل تعـال=دورنـي الـيـا طــال البـطـل وضميتـهـا
فيها تخالط طيب مسك وشب عود وريـح هيـل=ياقـوم لاهبـت هبايـب عطرهـا وشميتـهـا
اعذب من انفاس الصباح ان وسعت صدر العليل=واكبر من المعروف في حـق اللحـى لوفيتهـا
واصدق من احساس الخليل اللي يناجي له خليل=واكرم من الهمال لاروى القـاع واحيـا ميتهـا
قومي العبي وانتي بوجهي مثل مضمون الدخيل=يابنت عود لو تبغـى عمـري عشـا عشيتهـا
فإن قيل منهي قلت ارض الطيب والسيف الصقيل=داري سلالـة عـز ورجـال الوفـا ماشيتـهـا
يصبها فكري صور علـى ضفـاف السلسبيـل=واشهق باساميهـا غـلا وانطـق ولا سميتهـا
صحيح ارض وذكرها يطلـع ويدخـل بالمخيـل=واكدتها بعين الغـلا وبيـن المـزون اخفيتهـا
تتوق للصف الامامي بمحفـل الشعـر الجزيـل=تفخـر وامثلهـا ادب وآقـف اليـا طريتـهـا
اصيلة من يـد اصيـل ال يـد ال يـد اصيـل=خاتـم بكـف آل صبـاح منـيـن ماوديتـهـا
اشلون مااقف للكويت بـدار مرويـن الصقيـل=الأ.. وقفـت ورايتـي بابـو ظـبـي رزيتـهـا

مع اجمل تحية للشاعر / مشعل النون

الموضوع الأصلي: أنا وذلولي00للشاعر مشعل النون | | الكاتب: الاجهر | | المصدر: شبكة بني عبس

[بدر نوران]

:
:



الاجهر



مشعل النون شاعر جمل نفسه وجمل ربعه

وماعليه الا بياااض الوجه



رائع ومبدع وشخصيه تفرض على الجميع حبهاا واحترامها


اقف هناااا

صح البداية شهادة اللجنة وأنـا عابـر سبيـل
وأفرحت ربعـي والعـواذل بالنجـاح أبكيتهـا



صح الله لسانه مليوون ولا يكفووون




ولاهنت يالاجهر



أخوك
الوافي


:
:

[بنت العبسي]

.

:

ايه بالله بيض وجيهان وكل شيء توفيق من المولى

يسعده ربه وين ماكان ويكتب له التوفيق

:

صح لسانه

وسلم الله يدينك يالاجهر ع النقل الراائع


:

.

[المجهول]

مشعل فلاح النون

فارس من فرسان عبس

بيض الله وجه اينما كان وسددالله خطاه

الاجهر

جزاك الله خيرا على الاختيار الموفق

دمتم بحفظ الله

[عاشق الصحراء]

لاشك مافيه قصور في شعراء قبيلة بني عبس
ومشعل ماقصر لاهو ولا ثنيان وشكرااااااااااااااااااا

[الاجهر]

اقتباس من مشاركة بدر نوران : : الاجهر مشعل النون شاعر جمل نفسه وجمل ربعه وماعليه الا بياااض الوجه رائع ومبدع وشخصيه تفرض على الجميع حبهاا واحترامها اقف هناااا صح البداية شهادة اللجنة وأنـا عابـر سبيـل وأفرحت ربعـي والعـواذل بالنجـاح أبكيتهـا صح الله لسانه مليوون ولا يكفووون ولاهنت يالاجهر أخوك الوافي : :

اشكر مرورك تقبل اجمل تحيه

[الاجهر]

اقتباس من مشاركة بنت العبسي . : ايه بالله بيض وجيهان وكل شيء توفيق من المولى يسعده ربه وين ماكان ويكتب له التوفيق : صح لسانه وسلم الله يدينك يالاجهر ع النقل الراائع : .

مشكورة اختى بنت العبسي مرور رائع وتواجد وتعليق اروع

[الاجهر]

اقتباس من مشاركة راشد رباح صح لسان الشاعر مشعل النون وبيض الله وجه على ماقدم وتسلم على النقل الرائع احترامى للجميع

تسلم عل المرور