[محمدالذيابي]

هذه قصة رجل كبير في السن وكفيف ولم يرزقه الله إلا ببنت كانت به بارة وعندما بلغ عمرها 16 سنه كانت مع أبيها وكان عندهم سراج وعندهم حطب فقامت البنت فتعثرت في الحطب فكسرت السراج والشايب لم يحس بشيء فقامت تتلمس كي تصلح السراج فقرصها داب ولم تخبر والدها فقام جاراتها بعلاجها ولكن لم يستطعن فتوفيت البنت بعد خمسة أيام فلما اخبروا والدها تأثر كثير ا وقال هذه القصيدة



عفى الله عن عين حلا النوم جافيها
كراها قليل وذارف الدمـع محفيهـا
إبلا قلت ألا ياعين هودي وهـودي
جرى دمعها الصافي وهلت عباريهـا
تبين أفروع الصبح ماذاقت الكـرى
ولا الوم عينً فارقت شوف غاليهـا
ولا زل يوم أو ليلتـن مـا تعبـرت
عن النوح أعزيها ولانـي بقاويهـا
وأنا في رجاء جزل العطاء عالم الخفا
يلطف بحـال خافـي الهـم باريهـا
على نور عيني له بقلبي ومهجتـي
وتحت الضماير كل ما حـل طاريهـا
حنوين الخلوج الي عن البير فاختت
أيلا غاب عنها ساعة مـا يباريهـا
وأنا كيف مابكي طفلةً غضة الصبـا
حوريـةً سبـحـان رب مسويـهـا
مشت بالمدا والدين والحـق والبهـا
فلو طالت الايام مـا نـي بناسيهـا
فيهـا طبـوعً كامـلات حسيـنـه
حنونً على الجيران ووصال عانيها
عفيفة نظيفة جيب ما داست الخطـا
ولا هوجست بالمذهب اللي يرديهـا
حشا مابها من خافـي العيـب ذارف
سوى حشمة الوالد فهاذا فهو فيهـا
مضى عمرها ثنتين مع عشر واربع
سوى محترمها تسفهه لو يحاكيهـا
خذت هجرتٍ في البيت عندي قليلـة
أمانه وأخذها الخيّر اللـي عطانيهـا
فلانـي بجـزاعٍ فـلا شـك ولعـه
أعلاف الأمانة مالها غيـر راعيهـا
يا سامع دعواي في مظلـم الدجـى
تمحي خطاياهـا وتثبـت حسانيهـا
تجعل لها فـي جنـة الخلـد منـزل
تقطف جنا جنـات طيبـة وتجنيهـا
وتعوضها في ما قصرت من شبابها
برضاك يا خلاقهـا وأنـت واليهـا
إلاهي ودودي دعوتـي تستجيبهـا
على النفس كله من غلاهـا مبديهـا
إلا من تكدر خاطـري مـن فراقهـا
لـولا غلاهـا مـا تكلفـت راثيهـا
سميت دموع المزن في غبة البحـر
سوى البنك ما يدرك ثمنها ويشريها
أنا مابي ألا يـوم يطـري سميهـا
عفى الله عن عينٍ حلا النوم جافيها
وصلوا على سيد البشر طيب الثراء
عدد ما جرى من رايح المزن واديها

الموضوع الأصلي: قصيدة ( شايب ) في أبنته الوحيده 00 حزينه 00 | | الكاتب: محمدالذيابي | | المصدر: شبكة بني عبس

[عبدالعزيزعلي]

لاهنت يامحمدقصيده رائئئئئئئئئعه تحياتي لك

[رحيــــــل]

ياعمري يالشايب

الله يكون بعونه

قصــــــه محزنه أخوي محمد

ألف شكـــــــــر لك0

[عادل العويمري]

قصه مؤثره والله

شكراً

[مرزوق العجوني]

قصيده محزنه يعطيك العافيه اخوي محمد

[ام جوانا]

يا سامع دعواي في مظلـم الدجـى
تمحي خطاياهـا وتثبـت حسانيهـا
تجعل لها فـي جنـة الخلـد منـزل
تقطف جنا جنـات طيبـة وتجنيهـا
وتعوضها في ما قصرت من شبابها
برضاك يا خلاقهـا وأنـت واليهـا
عسى مثواها الجنه ويصبر ابوها ويعوضه خير منها بالفعل قصيده مؤثره تقلب المواجع سيدي الكريم تقبل مروري

[سعد الشقل]

الله يرحمها

ولاهنت على النقل

[محمدالذيابي]

شااااااااااااااكر لكم مروركم

جميعا


دمتم كما تحبون