[سعد المظيبري]

البارحه والجوع مس الذيـب يـوم انـه يعـوي
علـى سنـام طويـق والقمـره وراه بليتـهـا

اخايلـه واقـول واعـزي لحالـك يالـقـوي
اللي تنقـى فـي سمـان الفطـح لا مـن جيتهـا

واللي باساميك يتقلدهـا الخـوي مـع الخـوي
والعرب تبديـك التحايـا وانـت مـا حييتهـا

واسمك على النخوه يعد وكل روس(ن) تشتـوي
والوجبـه الحيـه تعشاهـا وتـتـرك ميتـهـا

الجوع لو يدفعك للمـوت الذحـاح المستـوي
حشمت نفسك عـن عظـام الحرجـه وخليتهـا

ودامك طليق(ن) ما قهـرك المعتـدي والمهتـوي
وخطاك مـن دون المغـازي مـا بعـد سجيتهـا

يا ذيب يا ذيب الخلا اللي ليلك يـروح سـروي
مـا بيـن مرحـان الشواويـه ليـا عشيتـهـا

يا موجل(ن) قلب حضري يا موجل(ن) قلب بدوي
ياللـي تشيّـم خـوة الرجليـه ان خاويتـهـا

عامل خوي الذيب في عصـر الفـوات المنطـوي
وقصتك فـآذان العـرب واليـا طـرت لبيتهـا

نحر ذلول(ن) مـن وصايفهـا شحمهـا مرتـوي
لعيـون خوتـك الفريـده والبقـا فـي صيتهـا

يا ذيـب يكوينـي قنيبـك لا توحّيتـه كـوي
على غشـاش الكبـد والخطـوه عمـد رديتهـا

مدري غبى مدري ذكى مدري تسـرع فوضـوي
لكن خطواتـي علـى الهيبـه مـا قـد ضريتهـا

ياذيب عزك في زمان السيف مـن قبـل يهـوي
وقبـل زمـان العولمـه للـنـاس وآتيكيتـهـا

وقبل يغيـب المنطـق الحسـي ويبقـى المعنـوي
والغيـره تـوزع تجمّعهـا عـلـى تشتيتـهـا

وقبـل النوايـا المستقيمـه ماتعـاج وتلـتـوي
والناس تمشـي فـي تعاملهـا حسـب توقيتهـا

يا ذيب مدري كيف ابوصف حالتـك يالمنـزوي
والهاشميـه فـي طـرف عيـنـي ولا دنيتـهـا

لا جيث ابرثي حالتك ضـاع الكـلام اللغـوي
والمفـردات اللـي تجملـنـي لـيـا عديتـهـا

والهاجس اللي كل مـا فليـت حويـه ينحـوي
وافكـاري اللـي تتعـب الخافـق ليـا هليتهـا

واخاف لا تكمـل وينحـاك النزيـف الدمـوي
وابقـى علـى قـول المثـل خميتهـا واخطيتهـا

ياذيب واقنب خل صوتـك يـدوي العالـم دوي
مـادام خانتـك الظـروف الله يخـرب بيتـهـا

الموضوع الأصلي: قصيدة بدر الخالدي _البارحه والجوع مسه الذيب | | الكاتب: سعد المظيبري | | المصدر: شبكة بني عبس

[®@©]

تسلم على القصيدة

وصح لسان قايلها

[ام جوانا]

صح لسان القائل والناقل

[ابو براك الرياض]

الله يعطيك العاااافية

[ابو عبدالرحمن المقوعي]

صح لسان الشاعر بدر الخالدي
بارك الله فيك اخوي السمي سعد المظيبري
أخوك أبو سيف االمقوعي السلفي

[عبيد الله دعيع]

صح لسان الشاعر بدر الخالدي
بارك الله فيك اخوي/سعد المظيبري نقل موفق تقبل مروري سلمت ودمت

[سعد المظيبري]

وانا اقول صح لسان الخالدي <<<< والله انه منافس ينخاف منا ونشالله البيرق عبسي