[ثامر الدواي]

يابوي ليه تبكي كل ما شفتك وعينـك لـي ؛،؛ تخاف أموت يابوي ... وقبل الموت تبكيني


تكفا يابوي لا تبكي وأنا موجود معك وحـي ؛،؛ أجل بعد الرحيل أشلون في قبري توطينـي


ابوي لو تموت الناس ماتسوى دموعـك ذي ؛،؛ وأنا يابوي ميت قبل أموت وأنـت محيينـي


قسم بالله يابوي لجل عينك شربـت الغـي ؛،؛ جرعت الهم والحرمان وبحر الويل يسقينـي


تحملت السنين اللي طوتني في عاذبي طـي ؛،؛ وصار الجمر بكفوفي .. وتحت أقدام رجليني


يابوي ماعلى عمري حسافه ولا بقا بي شي ؛،؛ ولكـن بطلبـك يابـوي تكفـا لا تخلينـي


يابوي مابي غيرك يغسـل جثتـي بالمـي ؛،؛ وتكفا قبل لا أتكفن .. يابوي فكلـي عينـي


بأمر الله يمكن ألمحك وأرحل في عيني ضي ؛،؛ وودع وجهك الطاهر مع دنيـاي وسنينـي


وخل الناس تحملني وترفع راسي ورجلـي ؛،؛ وتأخذني على قبري وتكسب أجرهـا فينـي


وأذا جيت القبر يا بوي نزلني شوي شـوي ؛،؛ ووجهنـي لبيـت الله .. وقبلـه المصلينـي


وحط الطين وأدفني وعز اللي يعـزي فـي ؛،؛ ثلاث أيام يابـوي .. يواسـوك المعزينـي


ورابع يوم يا بوي تذكر .. ضحكتي وعني ؛،؛ تذكر وش كنت أقول يـوم أنـك تنادينـي


تذكر يوم كنت أنام في ظل النخـل والفـي ؛،؛ تجي يمي تصب الما..على وجهي وتصحيني


تذكر جرة الموال وصوت في حبالـه كـي ؛،؛ تذكر يوم أغني لك قصيدي وانت توحينـي


تذكر ضحكتك لا قلتلك يابوي عشقي هـي ؛،؛ تذكر كم قصيدة خافيه مـا بينـك وبينـي


تذكر كل شي كان وأذكر يـوم انـا حـي؛،؛ولكـن أسالـك بالله يابـوي لا تبكي

الموضوع الأصلي: يابوي مابي غيرك يغسل جثتــي .." | | الكاتب: ثامر الدواي | | المصدر: شبكة بني عبس

[ام جوانا]

اللهم اغفر لوالدي وجميع المسلمين ..........قصيده محزنه ومؤثره ............صح لسانك يالرشيدي

[غاليه]

عجز القلم عن الكتابه يشهدالله ان هذه الكلمات أثرت في نفسي كثير ماأروعها من كلمات

وما أصدق أحساسها

وماأجمل معانيها

ماكل الحياة جراح
الله المستعان
تقبل مروري
تحياتي

[ثامر الدواي]

إم جوانا .."

صـح بدنــج .." وشاكر لج على المــرور الحلـو .."

إنجيــد .."

شــاكر لك على المــرور الحلـو .."

[مهدي البراك]

السلام عليكم صح السانك وباركاللة فيك لاخاف دام قلبك حي وترجي رضا ربك والوالدين جزاك اللة خير اللة يرحم موتا المسلمين (مهدي البراك)

[شيخة الزين]

صح لسانك يالرشيدي

حدا مؤثره لدرجة ادمعت عيني


تعور القلب

يعطيك العافيه

[ثامر الدواي]

مهـدى البــراك .."

صح بدنك يابن العم وشاكرلك على المــرور .."

شيخــه الزيــن .."

صـح بدنــج وشـاكر لح على المــرور.."

[صالح مخلف المظيبري]

صح لسانك وقصيده محزنه مشكور على النقل