[المحيط الأطلسي]

لكم ايها الاخوة هذه المشاركة لعل ان تحوز على بعض استحسانكم

الحقيقه والصراحة والجفيا مره=والسماء بين الجهات الاربعه متساوي
لاتجي بيت الملامه يا لفاء.لاتمره=يصفق العشب الندي شعف الهوا الشرقاوي
فرصة السارق .يدم الريح آثار الجره=مثل ماالليل البهيم استار ذيبٍ عاوي
في زمانٍ ياعسى خيره يكافي شره=ماصدق فيه المحدث. دون نقل الراوي
ضيّق العجمان وابكى العاقل امن المره=وانتحا الروقي من الهيلا عن البرقاوي
كل ماالد النظر بالعالم المغترّه=انطوي طوي الرشاء لامن طواه الشاوي
من قضية(مشكلة تطوير علم الذره)=بالفجوج الخاويه والعلم علمٍ خاوي

راعي الفاطر

المحيط الاطلسي

الموضوع الأصلي: الحقيقة والصراحة والجفيا مره | | الكاتب: المحيط الأطلسي | | المصدر: شبكة بني عبس

[عبدالباري عبدالعزيز]

(وانتحا الروقي من الهيلا عن البرقاوي)صح الله لسانك ياراعي الفاطر
لك اعجابي ، معاني معاني

[خلف العايضي]

راعي الفاطر

صح السانك على هذه الدرر يالغالي تقول :

كل ماالد النظر بالعالم المغترّه

انطوي طوي الرشاء لامن طواه الشاوي

سجل اعجابي بماتكتب واعتبرني احد المتابعين من اليوم

تقبل التحية والتقدير

[ناصر خنيفر]

الله الله الله يعلم الله ان هذا الشعر الحقيقي
اسمحلي بالمجاراه

شاقني رش السحاب اللي يساقي بره = ماتشوف افتوق ابه ريف المعيد الثاوي
انحدر لسيف وهو اول هلله الحره= انعزل ربان مزنه تقل ليل ٍ داوي
كل راعي صنف يا من شاف برقه سره= تستقي منه الغصون وكل عرقن جاوي
والشعر يوصف بهذا بين فر وكره=للبيوت الطيبه ناصر طواه الطاوي
مار شفنا ناس عيت ثوبها لاتزره= وصار تحكيم القصيد بكفت الغزاوي
الشعردخل عليه الفاض خرب مره= من قصيد البعض ياعده كواني كاوي
ماتقول الاخرز من سبحت ٍ منثره= والجسم يهتز ويديهم ماغير تلاوي

[عايض بن صالح]

فرصة السارق يدم الريح اثار الجره

صح الله السانك ياراع الفاطر

تقبل اعجابي

[المحيط الأطلسي]

الاخ الشاعرعبد الباري
الاخ المشرف خلف العايضي
الاخ الشاعر ابو صالح الشويلعي
اشكركم على مروركم المشرف لكم تقديري
الاخ الشاعر الكبير العمدة ناصر خنيفر مجاراتك هي الشعر الحقيقي وبيض الله وجهك\على المجاراه
الرائعه ودلالتها واضحة على قوتك الشعرية
اشكركم من القلب

[مرزوق العجوني]

صح لسانك يالمحيط ولا هنت على الرائع وتقبل مروري

[أنكسارحلم]

صح السانك يارعي الفاطر قصيده جميله وراعيها اجمل منها
لك مني التحايا