[اروى]

انا والليل والعبرة وجرح وخاطر ٍمكسور
ونفس من هجير البعد والحرمان مقهورة

وقلب ظامي لشوفك ولايروى ظماه بحور
وعين تحتري لحظة غياب الطيف وحظوره

ونار تنطفي مره ومره تشتعل وتثور
واقول النار مقدورة وهي ما هيب مقدورة

حسبت الليل بغيابك يمرن الليال دهور
وكني شايل بقلبي ليال الوقت وشهوره

تصبرت وتقدرت وبنيت من الخيال قصور
إلين ان الجفا شد الركايب وانتهى دوره

تحريتك على درب القصيد من ثلاث دهور
وحشا ما مات لك غصن يشف الماي بجذوره

تخيرت الغرام وجيت لا راضي ولا مجبور
وجيتي تسبقين خطاك مرضيه ومجبوره

وانا ما كان لي رغبه أبين واكشف المستور
ولكن الجمال أكبر من الخفاق وشعوره

جمال وود وعيون ودلال وكبرياء شعور
وفتنة تخذل عيون النهار وينطفي نوره

ولك في خافقي صوره تلاشت بين ضي ونور
وأخاف اسكت من الفرحة وتنطق باسمك الصورة

عرفتك وانتهت رحلة قساوة دربي المهجور
والا يا جملة أيام الجفا والصد مشكورة

خذتني للجفا عزه واخذني للعناد غرور
واخاف اكون بعنادى حبيب ومات بغروره

وإذا كانت مسافات الخيانة للغرام قبور
وش اللي يجبر العاشق يخون ويحفر قبوره؟

وش اللي يجبر الشاعر يدور للشعر جمهور؟
مدام انتي محبينه وعشاقه وجمهوره

الموضوع الأصلي: انا واللـــــــــــــــــــــــيل | | الكاتب: اروى | | المصدر: شبكة بني عبس

[رائد الذيابي]

خذتني للجفا عزه واخذني للعناد غرور
واخاف اكون بعنادى حبيب ومات بغروره

فديتك ياذوووق

أختيــار رائــع

تقبليني ومروري

[هتاف قلب الرشيدي]

في دنيا الغياب ......تحترق الأكباد باللوعة ......وينتحب الإنتظار......ويعلن الحداد في المكان ...والزمان .....!!!


في عتمة الغياب يتزلزل السكون .......وينهزم الآمان .......وتترمد كل الأشياء!!!!


أروى: سلمت جاء إنتقائك على الجراح ......!!!

دمت بود .

[المغرم اليائس]

قصيدة تحرك ماخمد بالروح وأندثر بالذاكرة
.
.
شكرا لكـِ

[ادري طيبتي غلطه]

تخيرت الغرام وجيت لا راضي ولا مجبور
وجيتي تسبقين خطاك مرضيه ومجبوره

يعطيك الف عافيه على ذوووقك واختيارك الرائع

ويسلمووو على نقلك الجميل

تقبلي مرووووري

[ممدوح العريض]

وش اللي يجبر الشاعر يدور للشعر جمهور؟
مدام انتي محبينه وعشاقه وجمهوره

0000000000000000000
صح لسان شاعرها ولاهنتي على النقل الرائع

[لبى قلبي]

لاهنتي علي القصيدة

وتقبلي مروررري

[ولد الشرقية]

تسلمين اروى قصيدة ولا اروع .