[سعد الرشيدي]

بديت باسم مكون الإنس والجان=
باسمه يعاهد كل جنّ مرودي=
وردًا على ما قاله فلان و فلان=
ضعوف النفوس اللي تغث الكبودي=
تاريخ متجرد و تأليف عميان=
كنه على ظلم العباد محدودي=
أخص من سطر بالاحقاد ديوان=
حقود والمصدر كتابة حقودي=
اليا إنعدم مبدى العقيدة بالانسان=
يقد ر يسوي ما يسوي اليهودي=
ولأهل الوفا والصدق شكرًا وعرفان=
وتحيةٍ عطرة وباقة ورودي=
نعم رشيدي من بني عبس غطفان=
من قيس بن عيلان شجرة جدودي=
تحت مسمى عبس واشجع وذبيان=
تلقى عناويني ومجدي وجودي=
هرجٍٍ على صدق وحقايق وبرهان=
حقايقٍٍ تد مغ دماغ الجحودي=
حقايقٍٍ تروي معاني خبر كان=
بخطوط كوفية بصمّ الحيودي=
حصل المنافس والسّبب سبّة رهان=
سبّة فرس وحصان راحت فهودي=
وجانا بغا التركي ودارنّ الاكوان=
دون الكرامة و الوطن والعدودي=
ومرّالجفاف وراحوا البدو فرقان=
كلٍِ طوى بيته بظهر القعودي=
وزاحوا لنا من غبر الأيام فرسان=
أحدٍ حدر و أحدٍ توجّه سنودي=
شالوا على فلك البحر لام درمان=
يبون وديانٍِ سقتها الرعودي=
ثم استقروا بين كسلا وحلفان=
يتلون شف مطيرات البدودي=
ونزلٍِ نزح للسّيف راضي وقنعان=
من البحر للدبدبة للنفودي=
قوم لهم في ساحة المجد ميدان=
يوم إنّ كلٍِ دون حدّة يذودي=
صالوا وجالوا وأستقروا بهدلان=
دار الصباح اللى تلم الوفودي=
ونزلٍِ تورث منزلة عبس بآبآن=
ونزلٍِ بوادي السّر سوى السدودي=
وفي كل دار إلنا موارد وعربان=
وتاريخنا بارض العرب لة وجودي=
وحنا بقينا بالمنازل والأوطان=
بأقسى الظروف مواصلين الصمودي.=
ترمز لنا الكفة هويه و عنوان=
الناس تعرف والعواني ترودي=
يوم الجزيرة بين تسعين شيطان=
نطعن ونطعن دون هاك الحدودي=
من المدينة حدنا ضلع حبران=
ما يمرها الا من خضع للقيودي=
ومن حرّة الكورة لشرقي مراغان=
بعد أمرنا يردون ماها الورودي=
ومن ذاق ضرب سهومنا راح ندمان=
موت ما فكر بلم الجرودي=
إسلاحنا قوّ العزيمة والأيمان=
وألاّ عددنا بالحساب معدودي=
ودخيلنا ممن عن الضيم ما يهان=
وسلامته نبذل وراها الجهودي=
وخوينا ما يكظم الغيض زعلان=
وقصيرنا نعطيه حقه وزودي=
حنا هل المعروف ورجال الاحسان=
قوم نجود اليا انعدم كل جودي=
وأمجادنا غصبٍ على كل مرضان=
شعاع ذري في عيون الحسودي=
ويوم أرسل الله مسلمًا لم الاخوان=
سرنا ورى صقر الجزيرة جنودي=
من ضمن جيش الفيصلي نسل عدنان=
والله يشهد والخلايق شهودي=
وننعم بحكم محاسبة كل غلطان=
ولا عاش من يجرح كرامة سعودي=

الشاعر عيد بن مربح

الموضوع الأصلي: بديت باسم مكون الإنس والجان | | الكاتب: سعد الرشيدي | | المصدر: شبكة بني عبس

[ياسر العرعري]

//


قصيده عبسيه ولا أروع لرمز من رموز الشعر بالخليج العربي وهو الشاعر الكبير / عيد بن مربح القلادي



صح لسان شاعرها ولاهان ناقلها



ألف شكر لك أخي ابو محمد على هالنقل




مغليك




//



ياسر

[صاحب المعالي]

السلام عليكم ورحمة الله وبركاته

اشكرك من كل قلبي

ابو محمد ولاهنت على النقل الرائع

لقصيدة الشاعر الكبير

عيد بن مربح

صاحب المعالي

[أنكسارحلم]

صح السانك اخوي سعد الرشيدي

ولسان شاعر القبيله عيد بن مربح

وكثر الله من امثالكم لرفع مستوى القبيلة بماتخطه اناملكم

تحياتي

[بدر نوران]

.
.

عيد بن مربح الرشيدي



فارس بني عبس في ساحات الشعر


صح لسانه مليوون ولا يكفووون


ولاهنت ياسعد على هذا النقل


.


مودتي


.

[ابوصالح]

	صح السانك والسان ابو غريب والف شكر وتقبل خالص تحيات اخوكم ابوصالح

شكراً لك اخي الكريم

[بندر الذيابي]

صح لسااااااااااااااان ابو غريب


ومشكوووووووووور علي النقل يالغالي


تقبل تحياتي


بندر

[مبارك الشويلع]

صح الله لسانك يالغالي ولسان قايلهاا


ولاهنت


ننتظر المزيد