[بحــ الخليج ــر]

[

	SIZE="5"]كان علي بن جعيمير الرشيدي الملقب باسم (مطقق الهشيم) لانه خدع (السعر) بطقه للهشيم عندما قال للسعر انا ساجمع الحطب وكان يطقق بالهشيم ويسوق راحلته حتى يبعدها عن عيون المسعور ويستطيع الهرب منه والسعر هو اسم يطلق على الرجل المسعور الذي ياكل لحوم البشر وقد كان في ماضي الزمان لايجد الانسان مايأكله او يسد به جوعه وكانوا يضلون يومين وثلاثة بدون اكل وكان بعضهم من شدة الجوع يأكل صاحبه وبعد ذلك يتعود على اكل لحوم الانسان فيدمن عليها والعياذ بالله حتى انه لايستطيع ان يمسك نفسه اذا راى بشرا..,حتى لااطيل عليكم الشرح ,بينما كان علي يمشي راكبا على مطيته بضواحي (الرقب) صادفه شخص وناداه فتوقف له فطلب منه ان ياخذه معه لانه لاتوجد عنده راحله ونال من التعب مانال فحاول علي مساعدته ولكن تبين له بعد ذلك انه كان له هدف.... واليكم القصيده وهي تعبر عن نفسها..... يقول علي بن جعيمير[/SIZE]: لاعدت يايوم(ن)جرالي ماهو زين=حول (الرقب) في سهلة(ن) جرهديه جاني خفيف المشي يركض من يمين=قال اصبر وقفلي ياراع المطيه وقفت له يوم العرب بالقوانين=نشفق على الماشي بطيب وحميه وعطاني اللي روع القلب والعين=قلص(ن)وبه روس الرجال القويه ركب وخاواني مع الدرب ماشين=نقطع دهاريس الديار الخليه وغابت علينا الشمس ما بين ضلعين=وكل(ن)نوى في ساعة الخير نيه وقال الخوي يارجل تبغى العشاء وين=قلت (العلم) تاتيه عقب عشويه وشفت الخوي عند العشاء خاطره شين=صار الخوي ناوي على اكلت خويه سعر(ن)هويف(ن)به وصوف المجانين=في ليلة(ن)لاعود الله مجيه قال الحطب عليك ياعلي هالحين=وانا بخلي النار بالليل حيه عرفت مقصوده وحضرت غمرين=وشفت الذي بين امور(ن)خفيه حفرة بطول القبر بالطول ياعين=يبي يحط الرجل مثل الشويه واحترت بالماقف على شان وجهين=لاسيف بيديه ولابندقيه قلت الرجل يصبر على العسر واللين=وسريت انا في ليلة(ن)خرمسيه واوقفت لي ركب(ن)مع الخد مقفين=وخبرتهم في قصتي بالسويه واعطوني البندق وسيف ابوحدين=ورجعت للطالب بنفس(ن)رضيه واعطيته اللي يودع الصدر قسمين=وعقب السطر صارت عزومه رديه يالسعر ماحنا على امرك مطيعين=يامضحي(ن)بالناس صرت الضحيه حبيت ان انقل لكم هذه القصه واكيد ان بعضكم سمع فيها ويعرفها ولكن البعض لم يسمع بها فتقبلوا تحياتي واحترامي ومشاركتي

الموضوع الأصلي: علي بن جعيمير و(السعر) | | الكاتب: بحــ الخليج ــر | | المصدر: شبكة بني عبس

[بشيرالشويلعي]

بارك الله فيك اخي الكريم ذيب في مواجهة ذيب

[القزم]

يعطيك الف عافية

[بحــ الخليج ــر]

اقتباس من مشاركة بشيرالشويلعي بارك الله فيك اخي الكريم ذيب في مواجهة ذيب

شاكر مرورك ياخي اـلكــريـــــــــــــــ بشير الشويلعي ــــــــــــــــــــم

[بحــ الخليج ــر]

اقتباس من مشاركة القزم يعطيك الف عافية

الله يــعافيـــكــــــ يالذيب ــــــــــــــ

[ابو براك الرياض]

يعطيك الف عافية

[بحــ الخليج ــر]

اقتباس من مشاركة ابو براك الرياض يعطيك الف عافية

الريـــــ (ابوبراك) ـــــــــــاض
الله يعافيك وشاكر مرورك

[عبدالعزيز بن شري]

مشكـــــــــور أخـــوي / بحـــر


على النقل الرااائع للقصه معروفه وراائعه


عن فارس من فرسان بني رشيد



وبيض الله وجهك


ولا هنت