[صالح سعود]

[FRAME="11 70"]الاخوة الكرام زوار وأعضاء ومشرفي وإدارة منتديات عنترة بن شداد - فارس بني عبس .. الافاضل
قصيدة عبسية أتشرف أن أضعها بين يدكم علها أن تصل إلى أعجابكم ورضاكم


[POEM="font="Traditional Arabic,7,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]للعلـم تبيـان وللعلـم توضـيـح = يا اللـي علومـك بالمعالـي قليلـه
مـا تفتـح البيبـان دون المفاتيـح = ولا يستـدل الـدرب دون الدليلـه
يا من غشاك الليـل تـو التصابيـح = مالك على أهل الطيب درب و وسيله
حنا سبحنـا فـي بحـور السوابيـح = منهـا خذينـا طيبهـا والجزيـلـه
لا جاء نهار(ن) به ثقـال المراجيـح = كف الرجايـح مـن جنبنـا ثقيلـه
من دوننا دونك سيوف(ن) ذوابيـح = من دونـا دونـك جمـوع المخيلـه
يوم(ن) أنها بالسيف والصايح يصيـح = صوت مصوتها وصـارت حصيلـه
بني رشيد الموت مـوت الذحاذيـح = كم باعـدوا بيـن الخليـل وخليلـه
للدار ناقـف كـل أبونـا مطاميـح = دون الوطن والعرض وأيـا القبيلـة
ربع(ن) على المخطي يجونه مراويـح = يمسي وفـي كبـده تشـب المليلـه
ما نقبل الغلطة ولـو هـي بتلميـح = نشيل حمل (ن) غيرنـا مـا يشيلـه
أهل الكرم والطيب مع هبت الريـح = أهل الوفاء وأهل العلـوم الفضيلـة
على الكرم دايم وجيـه (ن) مفاليـح = للضيف ما جابنا الوجـوب الهزيلـه
وللجار حنا كـل أبونـا مساميـح = عليه مـا نرضـى الخطـى والمعيلـه
دونه نرخّـص غاليـات المصاليـح = نرخـص خفـاف حمولهـا والثقيلـه
وخوينـا دونـه تـروح المرابـيـح = خـوة رشيـدي مـا تـدور بديلـه
قول وفعل في موقف (ن) مابه مريـح = يـوم (ن)تسـاوى دقهـا والجليلـه
جمرة عرب من واقع الوقت مانطيـح = حتى لنـا التاريـخ يشهـد مقيلـه
عبس الشجاعة عبس عبس النواطيح = عودنـا نلفيـه حنـا نجـي لــه
لا مـا رضينـا بالمذلـة ولا البيـح = و لا ما سلكنا فـي دروب الفشيلـه
مـا همنـا مهمـا تقـول النوابيـح = اللـي بواطنهـا مـن أول عليـلـة
اللـي مقاصدهـا حقايـد وتجريـح = حتى الغدر في يدينهـا هـي تكيلـه
مثل الجبل متباعد(ن) عنـه السيـح = واللي يبنـا باللقـاء نستـوي لـه
على المنايـا كـل أبونـا مشافيـح = واللـي نوانـا ويـل ويلـه وويلـه
يـوم المغـازى مامعنـا مرابـيـح = اللـي يبنـا بربـح واعزتـي لــه
عليـه والله يكـثـرن المنـاويـح = تبكيه والله كـل عيـن (ن) كحيلـه
يوم العقيد يقـوم ويعـود و يطيـح = أنجـاه ربـي بالزبـن و الدخيـلـه
يوم (ن) تجمع جمعهـا والطواميـح = والموت في الميـدان حاضـر فعيلـه
يامن غشاك الليل هـاذي المصابيـح = فعايـل (ن) تعطيـك عنـا دليلـة
ومواقف(ن) تعطيك درس(ن)وتوضيح = للجيل هـذا وجيـل يقفـى لجيلـة
وكل القبايـل تستحـق التماديـح = ويشهد لربعي كـل راعـي فضيلـه
ومن بعد أبو تركي تراهـا تساميـح = بالديـن وحدهـا وصـارت نبيلـة
وحد قبايلهـا بحـق (ن) وتصحيـح = عساه عـن حـر السمـوم بظليلـه
في جنة الفـردوس وأيـا الروابيـح = رابـح بهـا يـا رب طيـب نزيلـه[/POEM]

صالح بن سعود الفريدسي الرشيدي
(أبـــــــــــــــــــــو ســعــــــــود )

[/FRAME]

الموضوع الأصلي: (( للعلم تبيان(ن) وللعلم توضيح )) .. عبسية | | الكاتب: صالح سعود | | المصدر: شبكة بني عبس

[بدر الحشية]

: :p :p :p :p :p :p :p :p :p :p :p :p :p :p :p :p
[POEM="font="Simplified Arabic,5,black,bold,italic" bkcolor="transparent" bkimage="./images/backgrounds/8.gif" border="none,4,gray" type=2 line=0 align=center use=ex num="0,black""]لا مـا رضينـا بالمذلـة ولا البيـح=و لا ما سلكنا فـي دروب الفشيلـه
ما همنـا مهمـا تقـول النوابيـح=اللـي بواطنهـا مـن أول عليلـة
اللي مقاصدهـا حقايـد وتجريـح=حتى الغدر في يدينهـا هـي تكيلـه
مثل الجبل متباعد(ن) عنـه السيـح=واللي يبنـا باللقـاء نستـوي لـه
على المنايـا كـل أبونـا مشافيـح=واللي نوانـا ويـل ويلـه وويلـه
يـوم المغـازى مامعنـا مرابـيـح=اللـي يبنـا بربـح واعزتـي لـه [/POEM]

لله درك يابو سعود
لقدعجز اللسان عن التعبير وشلت الايدي عن الكتابة
وكل هذا بسبب هذه المعلقة التاريخية
صح لسانك ولاهنت

[وحيدالطعس]

أهل الكرم والطيب مع هبت الريـح أهل الوفاء وأهل العلـوم الفضيلـة

قصيده روعه

[شامان]

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]للدار ناقف كـل أبونـا مطاميـح=
دون الوطن والعرض وأيـا القبيلـة[/POEM]
كلمة مطاميح = مفردها طامح والطامح باللهجة
العامية اللي كتبت بها هالقيدة ماذا تعني

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]عبس الشجاعة عبس عبس النواطيح=
عودنـا نلفيـه حنـا نجـي لــه[/POEM]
النواطيح = من النطح والنطح ليس للبشر ؛أما هذا (( عودنـا نلفيـه حنـا نجـي لــه))ماله داعي ولا ني فاهم منه شيء .

تقول يالذيب
نشيل حمل (ن) غيرنـا مـا يشيلـه
غلطت علينا يا ربعك لأن بني رشيد بشر وفيه ناس من خير البشر اللي هم الانبياء والرسل وحملهم رب العباد الرسالة وتبليغها ؛ أما شيل الحمول فهي لزحازيح الرجال وقبيلة بني رشيد فيها زحازيحها وكل قبيلة فيها حقها من رجالها - وفي وقتنا الحاضر عسى الله يحفظ حكومتنا اللي شالت عنا الحمول الكايدة ..لكن اعلم ان الحمول اللي ماتنشال من زحازيح الرجال هي حول ماهي طيبة وربعنا حمولهم حمول الزحازيحمن الرجال

قصيدتك طيبة لكن نقدي من باب النصيحة ورأيي قابل للصواب والخطأ
ومن العايدين يابو سعود لاتزعل وسع صدرك يالبناخي

[صادق الوعد]

صالح سعود الفريدسي

وللجار حنا كـل أبونـا مساميـح
عليه مـا نرضـى الخطـى والمعيلـه
دونه نرخّـص غاليـات المصاليـح
نرخص خفـاف حمولهـا والثقيلـه


قصيده في قمة الروعه
وصح السانك وكل عام ونت بخير


أخوك
ذيـاب الذيابــي

[صالح سعود]

الاخ الغالي - بدر الحشية


شكرا لك على هذه الكلمات الغالية

الصادقة التعبير

وشكر ا لك على كرم المرور


تقبل تقديري الخالص ..

[صالح سعود]

الأخ الغالي - وحيد الطعس


أهلا بهذا المرورا لكريم

تقبل تقديري الخالص .

[صالح سعود]

الاخ الغالي - شامان -

أهلا بك وبهذا التواجد الغالي

أخي الغالي " للعلم تبيان(ن) وللعلم توضيح " اليك التبيان والتوضيح .


للدار ناقف كل أبونا مطاميح
دون الوطن والعرض وايا القبيلة .

مطاميح = من الطموح وهو طموح الرجل النيبل الشجاع لا يرض الاهانة ويطمح في الدفاع عن وطنة وعرضه ومالة وقبيلة الذي هم جماعتة . وهو طموح غالي لا يقدرة الا الشجعان للانه يعرض نفسة للموت المحقق . والشواهد كثيرة لابناء القبيلة بهذا قديما وحديثا .




عبس الشجاعة عبس عبس النواطيح
عدونا نلفية حنا نجي له


النواطيح = ليس كما فهمت انه من النطح اخي الغالي بل من الاستقبل اي ننطحة ( نستقبلة ) ولا ينصح العدو إلا اقبلا أي مقبلا ليس بخائف من الموت ولا من العدو (( عودنـا نلفيـه حنـا نجـي لــه))تاكيد لاننا ننطحة اننا نحن من ناتي العدو ولانخاف منه والمواقف تشهد على ذلك .
تقول يالذيب
ما نقبل الغلطة ولو هو بتلميح
نشيل حمل (ن) غيرنـا مـا يشيلـه

لا نقبل أن يخطى علينا من قريب ولا من بعيد ونشيل في صدونا عزة النفس التي يتحلى بها كل حر لا يقبل الاهانة .


شكرا لك أخي الغالي شامان على هذا النقد الذي اكد بعض المعاني واعتقد انه اتضح لك ما قصدت وما عنيت . وان لا تقول ما فهمت بعد ذلك ،والصدر وسيع يالبناحي ومن لا يقبل النقد لليس بشاعر .

تقبل تقديري الخالص