[ابو بيان]

فيصل الرياحي=
ياسلام الله سلامن عدل مافيه انقلابه=ياجماهير ارحمونا وازحفوا عنا شويه
ياحبيب كثروا العربان والاسماء تشابه=وإن مزحنا مزحت الرجال ما تزعل خويه
حبيب العازمي=
مرحبا حيا الله الحضار في حفله شبابه =كل واحد حاضرن معنا نقدم له تحيه
اللحون المزعجه تعزف على صوت الربابه =والخطا ماهو بطبعي وانت لا تخطي علية
الرياحي=
ياخناذق ياشبابه كلنا عزوه ولابه=كلنا الشعب السعودي خل عنك العنصريه
ياحبيب خذبنا جوله على ديرة عتابه =وعتبرها ياولد عازم سياحة
العازمي=
كل مخلوقن على قده مفصلتن ثيابه = والعرب باسلومها فالدين والا الجاهلية
بالرياحي رح لدارك خل داري وش تبابه =يامدور داخلية جتك واحده خارجية
الرياحي=
لاتغارب مايصيبك كان قومت الحرابة =خل نياتك سليمة قالوا النية مطية
مانبا الاتمششيه ونروح مافيها طلابه=والعوازم محد وكلهم على نجد العذيه
العازمي =
هيه لا تسري على رجلك تعشاك الذيابة= الذيابه من قرى الحره ليا هضبة طميه
لين ابن منصور ياخذ ربع من تمرة زهابه =ثم يرجع بين سين وحيد خشم الجوهرية
الرياحي=
مابقى الا ذيب واحد كسر الشاكوش نابه =لو يشوف النار حمراء مادرى ويش القصية
فيه يومن مايضر وفيه يومن يندعابه =واقشر ايامك نهار يواجهك فالدرب عيه
العازمي=
راعي الشاكوش اظنه خمه الذيب سرى به=مالحق عيد رمضان ولا لحق عيد الضحيه

الموضوع الأصلي: محاوره بين فيصل الرياحي وحبيب العازمي | | الكاتب: ابو بيان | | المصدر: شبكة بني عبس

[راشد الخلاوي2]

مشكورااخي ابوبيان على نقل المحاوره عفاك الله

[ابو بيان]

اقتباس من مشاركة راشد الخلاوي2 مشكورااخي ابوبيان على نقل المحاوره عفاك الله

الاخ راشد الخلاوي اشكرك على المرور وتقبل تحياتي

[*العبسي*]

مشكوووووووراخي ابوبيان على نقل المحاورهـ

[ابو بيان]

اقتباس من مشاركة *العبسي* مشكوووووووراخي ابوبيان على نقل المحاورهـ

بارك الله فيك واشكر على المرور

[مطلوب تغيير اسمه]

محاوره رايعه و صح لسان الشعار ولا هنت يا بو بيان

[ابو براك الرياض]

الله يعطيك العافيه