[سعد بن عادي]

--------------------------------------------------------------------------------


قال الشاعر/ حميد بن فحميان الرشيدي





شف كلام النابغة ذبيـان قـال
من بني غطفان يفخر في نزار
شف جليبة عندنا هرج صحيح
كتبها كوفي على صفح الحجار
سميت ذبيانـة باسـم البـداه
حوزت قطعاننا منها صـدار





و قال الشاعر/ سمير بن راشد الرشيدي





هذي عوايدنا مـن أول وتالـي
غاراتنا يشبع بها الطير و الذيب
بني رشيد اللي تفـك التوالـي
فعولهم تعرف بوسط الاجانيب





و قال الشيخ / محمد بن بداي بن حمد





يوم إن سرد الخيل راحن مرج
هذا ذبيح وذا جضيع صويـب
كم سابق تسحب رسنها ممرج
عنها جدعنا واحد مـا يهيـب
عنها جدعنا واحد يذهب السرب
ذيب لزيـزوم السبايـا ذيـب
خلي عشى للطير وسباع الخلا
والبيض عقبة شققـن الجيـب





وقال الشاعر رشيد بن عواد الرويضي الرشيدي





قبيلـتـي يــاوي و الله قبيـلـه
ضد الحريب وضد ضدات الاجناب
و اللي حضر منهم تبيـن جميلـة
يقول انا بالنوب عن كل من غـاب





وقال الشاعر رشيد بن عواد الرويضي الرشيدي





ربعي هل العاده مطانيـخ الأولاد
مابي بلا وأنـا أخبرهـم ورايـة
مثل الحرار اللي على الصيد وارد
و الهم فخر بالطيب لاخر نهايـة


قال الشاعر/ حميد بن فحميان الرشيدي



بني رشيد اللي منا زلهم العـلا
وبني عبس حنا قبل قيل وقـال
وبن قيس بن عيلان والدار دارنا
بها يدرك العليا نجيـب الخـال




قال الشاعر/ عويض سالم المقوعي الرشيدي





رشايـدة وقلوبهـم صاملاتـي
متعلمين لحشمة الضيف والجار





قال الشاعر/ حبــاب السنـــدي





قبيلنـا يـوم اللقـاء مـا نهـابـه
وان سلم منا بات بالليل مرعـوب
بنـي رشيـد معربيـن النسـابـه
أولاد عبس اللي لها الأصل منسوب





قال الشاعر/ عايد السندي


بني رشيد الياحصل بيع الارواح
شدوا على صم الرمك واعتلوها
صار اللقاء بمصقل الحد ورماح
كم مهرةٍ حدر المجوخ خذوهـا





قال الشاعر/عاصي بن عيد بن عطران الرشيدي
بني رشيد اهل الفخـر والكرامـة
فكاكـة التالـي بغيبـات الاذهـان
وشيوخنـا كـلٍ براسـه زعامـه
اهل الشرف من عصر نوحٍ وعدنان

منقوله من منتديات عبس

اتمني تنال اعجابكم

دمتم كما تحبون

الموضوع الأصلي: من مفاخر شعراء القبيلة | | الكاتب: سعد بن عادي | | المصدر: شبكة بني عبس

[الصقرالحر]

صح لسانك اخوي سعد بن عادي وصح لسان الشعراء الله يعطيك العافيه على الموضوع شكراً لك

[بندر الذيابي]

صح الله لسانهم


ويحق لنا ان نفخر بأنتمائنا


ابو عادي


متميز الله لا يهينك

[مسندالعويمري]

صح الله لسانهم


وبيض الله وجهك على نقل قصايد كوكبت شعراء بني رشيد

[صاطي الرشيدي]

صح لسان الشعراء وبيض الله وجهك يابو عادي واهديك هذا البيت وتستهل اكثر****
بني رشيد اهل الكــــــــرم والمـــــــواجـــــيب ************** سقم المعادي لنواء في خصـــــامة

[مبارك الشويلع]

صح الله لسانهم


ويحق لنا ان نفخر بأنتمائنا


ابو عادي


متميز الله لا يهينك

بارك الله في


ننتظر جديدك الجزل المفيد


وتقبل فااااااااااائق احترامي وتقديري

[عبدالرحمن العويمري]

بيض الله وجهك اخوي سعد
والحقيقة مختارات جميلة لقبيلة اجمل والقبيلة تستاهل اكثر
والحقيقة مهما قلنا بالقبيلة فلن نوفيها حقها

[سعد بن عادي]

اقتباس من مشاركة الصقرالحر صح لسانك اخوي سعد بن عادي وصح لسان الشعراء الله يعطيك العافيه على الموضوع شكراً لك

الاخ العزيز الصقر الحر

يشرفني مرورك طال عمرك