[ابوبيادر]

مساكم الله بالخير

اقدم لكم قصيده من قصائد الشاعر/ ابو متعب
وانشاء الله تحوز على رضاكم

يامراحل يدونها الزمن والمكان= كل مامرها الهاجس فتح بابها
مرة ايامها بين القسى واليان= والخواطر تحرى شوف غيابها
حسبي الله على الغفله وحلو السان= نوب ما تعجب الطيب و يرضابها
بين شيمة افلان ولجل خاطر فلان= يعلم الله وش الي صار بسبابها
لوفهمت الامور بشان يجهلك شان= سرها عند شاريها وجلابها
سامح الله قلوب اهل النوايا الحسان= عيبها طيبها بالي تردابها
حطها واقع الايام بالامتحان= وكلفه نفسها في خدمه اصحابها
تعرف العلم ما تحتاج به ترجمان= لاكن الطيب يجبرها ويحظابها
سالفه مابقى من هزلها وسمان= غير التاريخها نقراه بغيابها
نروي احداثها بخبار كنا وكان= الله اقوى على اليام وحسابها
حكمة الله بخلقه يالله المستعان= والمقادير غيب ولانتنبابها
كن الاحداث خيل ماعليها عنان= ما يسيطر عليها سوط ركابها
واحمد الله الي مرت وعدت بمان= و التجارب دروس تفيد طلابها
عشت فيها حصان ورحت منها حصان= شلت حملي ولا فكرت في عتابها

.

الموضوع الأصلي: عيبها طيبها لـــ (شاعر ابو متعب) | | الكاتب: ابوبيادر | | المصدر: شبكة بني عبس

[سعد الشقل]

صح اللسان ابو متعب

على القصيده الجزله

والله لا يحرمنا من جديدك

وشاكر لك النقل

[احلام]

صح لسان ابو متعب
وشكرا اخي الكريم على النقل
اختك احلام الرشيدي

[مسندالعويمري]

واحمد الله الي مرت وعـدت بمـان
و التجـارب دروس تفيـد طلابـهـا
عشت فيها حصان ورحت منها حصان
شلت حملي ولا فكرت فـي عتابهـا


قصيده جزله في معانيها ووافيه من وفاء قايلها


صح السان ابو متعب
وشكرا اخي الكريم على النقل

واسمحلي في نقلها في قسم المنقولات

[قمر]

صح لسان الشاعر

قصيده رائعه

وتسلم يمناك اخوي يعطيك العافيه

تقبل مروري

[ابوبيادر]

اشكر الجميع على المرور




.

[عايض بن صالح]

لاهنت يابو بيادر على نقل قصايد الشاعر المبدع والمتميز في مواضيه ابو متعب

الاخ ابو بيادر توقيعك حلومبروكههههههههههههههه