[ناصر خنيفر]

اخواني واعزائي بني رشيد عبس اضع بين يديكم هذه القصيده ارجو ان تحوز على رضاء الجميع
وهي في مدح الموقع والقايمين عليه

سلام ياهل الموقع اللي فيه ذكرى للبداه = سلم الجدود ورسمها الاول وانا حبيتها
الموقع اللي يشرح الخاطر ويعجب من قراه= جزل المعاني فيه نادتني وانا ناديتها
الله يعز اللي رسم شكله وعلاء مستواه = فيه الرجال اللي لها وقفات يطلع صيتها
من التراث اللي نحبه كل موضوع ٍ حواه = عليه عن غيره جميع الذاكره صديتها
فيه الرجال اللي لهم من ماضي الايام جاه = اللي لها عادات بارض الخوف تبني بيتها
احفاد عبس اهل الشرف لطامة الخصم وعماه = اللي الشرف ورفع بها راسي ليا سميتها
يوم الليال الماضيه والحرب دايرتن رحاه = افعولهم ماتنحصي لو للملاء عديتها
كم وقعتن من فعلهم سرحان يفرح في عشاه = وكم خفرتن عقب الفرح تبكي وتنعا ميتها
من يجرحونه من قديم الوقت مايلقا دواه = حقائق التاريخ للي مادراء نبيتها
وخويهم يموت واللي شاف منهم مانساه = افعالهم تفوق كل الوصف ياخاويتها
والجار معهم عايشن في عز مايقرب حماه = كلمه تحس الجار ياجارنا ماوحيتها
يصير كنه من حديهم دايمن تتبع رضاه = هاذي خصال اربوعنا ماخصها عميتها
من ديرة السودان لديار النبي واللي وراه = واللي سكن في نجد واللي ساكنن بكويتها
الحي جعله في سعاده لين ياصل منتهاه = ومن مات جعله بالجنان اللي وسيع ٍ بيتها
وختامه بالزكا التحايا عد جم ٍ في سماه = وارج السموحه كان ابه كلمه تفيد اخطيتها
وصلو على اللي من ولد وهو منزه عن خطاه = اخر كلامي بالصلاة على الرسول انهيتها

الموضوع الأصلي: العمده يمدح الموقع والقايمين عليه | | الكاتب: ناصر خنيفر | | المصدر: شبكة بني عبس

[بشيرالشويلعي]

عمدتنا الغالي :

بيض الله وجهك وصح الله لسانك 0

[عابرسبيل]

تحية عطره لشخصك الكريم والموقع يستاهل
ويستاهلون المح القايمين عليه

[عبد الرحمن خضير]

يالعمدهـ والله القصيده جميله ولاهي غريبه على شاعر بحجمك ...

لكن طولت الغيبه...علينــآـآ ومن طول الغيبات جاب الغنايم

......وانا ناويلك بطارووق .....

تقبل تحيات اخوك عبدالرحمن خضير

[سعد الفلاح]

اقتباس من مشاركة ناصر خنيفر اخواني واعزائي بني رشيد عبس اضع بين يديكم هذه القصيده ارجو ان تحوز على رضاء الجميع وهي في مدح الموقع والقايمين عليه سلام ياهل الموقع اللي فيه ذكرى للبداه = سلم الجدود ورسمها الاول وانا حبيتها الموقع اللي يشرح الخاطر ويعجب من قراه= جزل المعاني فيه نادتني وانا ناديتها الله يعز اللي رسم شكله وعلاء مستواه = فيه الرجال اللي لها وقفات يطلع صيتها من التراث اللي نحبه كل موضوع ٍ حواه = عليه عن غيره جميع الذاكره صديتها فيه الرجال اللي لهم من ماضي الايام جاه = اللي لها عادات بارض الخوف تبني بيتها احفاد عبس اهل الشرف لطامة الخصم وعماه = اللي الشرف ورفع بها راسي ليا سميتها يوم الليال الماضيه والحرب دايرتن رحاه = افعولهم ماتنحصي لو للملاء عديتها كم وقعتن من فعلهم سرحان يفرح في عشاه = وكم خفرتن عقب الفرح تبكي وتنعا ميتها من يجرحونه من قديم الوقت مايلقا دواه = حقائق التاريخ للي مادراء نبيتها وخويهم يموت واللي شاف منهم مانساه = افعالهم تفوق كل الوصف ياخاويتها والجار معهم عايشن في عز مايقرب حماه = كلمه تحس الجار ياجارنا ماوحيتها يصير كنه من حديهم دايمن تتبع رضاه = هاذي خصال اربوعنا ماخصها عميتها من ديرة السودان لديار النبي واللي وراه = واللي سكن في نجد واللي ساكنن بكويتها الحي جعله في سعاده لين ياصل منتهاه = ومن مات جعله بالجنان اللي وسيع ٍ بيتها وختامه بالزكا التحايا عد جم ٍ في سماه = وارج السموحه كان ابه كلمه تفيد اخطيتها وصلو على اللي من ولد وهو منزه عن خطاه = اخر كلامي بالصلاة على الرسول انهيتها

• صح أللسانك يابوتركي على القصيده التي تستحق الأعجاب أبداع بمعنى الكلمه وتسلم يمينك على النقل ولاتحرمنا من جديدك
  
• ولك مني اجمل تحيه واعذب سلام
  
• دمتم بود

[عبدالرحمن العويمري]

صح لسانك ابوتركي كما عودنا الشاعر الكبير ناصر خنيفر
عودنا على القصيد الجزل وهاهو يعود بقصيدة اروع من الرائعة
وابو تركي كريم والموقع واهلة يستاااااااهلون

[ناصر الرشيدي]

صح لسانك

وافيه من وافي

[مسندالعويمري]

صح السانك

ياالعمده وبيض الله وجهك وهذا التميز في وجودك فهو حافز كبير لهذا الموقع