[فيصل الرشيدي]

أعزائي الاعضاء

يشرفني ان اقدم لكم هذه القصيده وامل ان تنال اعجابكم واستحسانكم

ماتحرك شعوري هواجيس الانذال=اللي يحسبون المراجل خواطر
هو يحسب اني يوم انا اشوف ماقال=ساكت عنه ماني على الرد قادر
ما يدري اني للصعيبات حلال=واني بسوق الطيب والعز تاجر
ولا تهزني هرجة ضعيف ومحتال=ولاني لغلطات القريب مناظر
ولاصار مالي عند الانذال منزال=مالي ومال محفرين المقابر
خذ الخبر لادام عمرك ولاطال=وجنب طريقي دام انا معك صابر
لا ينفتح يمك طريقٍ ومدخال=وافهمك في درس ماضي وحاضر
لا انت بولد عمٍ ولا انت بولد خال=لكن رفيقٍ من يخاويك خاسر
وبعض الرفاقه قربها ربح واموال=بعض الرفاقه يمها لا تسافر
ولاكل من هو لابسٍ ثوب وعقال=رجلٍ يكون بحزت الضيق ظاهر
الطيب قول وتثبت القول الافعال=ماهو بزين اللبس والا المظاهر
هاك الخبر كان انت تفهم ورجال=وشوري تبعد عن طريق المخاطر

فيصل الرشيدي

الموضوع الأصلي: الي يحسبون المراجل خواطر | | الكاتب: فيصل الرشيدي | | المصدر: شبكة بني عبس

[سعد الشقل]

صح اللسانك اخووي علىى هالقصيده الرائعه


وبيض الله وجهك

ولاكل من هو لابسٍ ثوب وعقـال
رجلٍ يكون بحزت الضيـق ظاهـر
الطيب قول وتثبت القـول الافعـال
ماهو بزين اللبـس والا المظاهـر

[منصوربن هديبان]

الله يعافـــــــــــــــــيك يــافيصــــــــل

اشهـــد انها قصــــــــيده معــنئ وتصــــــــــوير

صح الله السانك وعلي شانك

تحياتي

[فيصل الرشيدي]

اقتباس من مشاركة سعد الشقل صح اللسانك اخووي علىى هالقصيده الرائعه وبيض الله وجهك ولاكل من هو لابسٍ ثوب وعقـال رجلٍ يكون بحزت الضيـق ظاهـر الطيب قول وتثبت القـول الافعـال ماهو بزين اللبـس والا المظاهـر

صح بدنك اخوي سعد ويشرفني مرورك


ووجهك ولا هنت يالغالي

[مبارك الشويلع]

الله الله

فيصل الرشيدي


وربي ابدااع

صح لسانك وبيض الله وجهك

على هذه الجزله

جزله ووافيه من راس وافي وجزل

’’’’قسم بالله استمتعت بقرائتها ,,,,

وشهادتي فيك مجرووووحه ....


ننتظر جديدك الجزل يالمبدع العذب


وتقبل فاااااااااائق احترام وتقديري

[سعد الرشيدي]

قصيده رائعه

صح اللسانك فيصل

مبدع بمهنى الكلمة بهذه القصيدة

القوية بقافيتها ومعانيها

ننتظر جديدك وابداعك

اخوك سعد

[فيصل الرشيدي]

اقتباس من مشاركة منصوربن هديبان الله يعافـــــــــــــــــيك يــافيصــــــــل اشهـــد انها قصــــــــيده معــنئ وتصــــــــــوير صح الله السانك وعلي شانك تحياتي

صح بدنك ويزيد هالصفحة نور وشرف مرورك يالغالي


وبيض الله ويعطيك الف عافية

[الزعيتري]

الله يعيطك العافية تسلم والله قصيدة حلوة تراي من المعجبين صرت اقولها من قلب والله يا فيصل