[عذاريب]

ياهيه يالي تنكتب لك نشيده
اوراقها نرجس والحبر ينطاع
اكتب حروفً من عليها واعيده
بكل بيتً يرسم الحرف وينذاع
ماهمني من شاف حبك عقيده
نرضابها والحب بالحب ينفاع
صورتك في عالي سمانا صعيده
ويسومها منهو على الرخص ينباع
رميت رمحً دون رمحً تصيده
قلبي اسيرك ماله القلب منلاع
حباً اسرني عن حياةً رغيده
ماوالله ارضا دونه اليوم لو ساع
اسمك ختمته بالحروف الاكيده
بعيدها من دون رسمً ولا طاع
ياهيه يالي تنكتب لك قصيده
اسرارها برزخ والعقل منٍاع
اشوف رسمً من وليها مكيده
بان الخبر عندك علينا وينشاع
مالله خلقني لجل عينك طريده
ناهيك عني ياهواجيس الاسباع
صدر قرارك وارفعه في جريده
واطبع بها يشفي غليلك والاطماع
رح جعل ربي يحرقك في صديده
نارً بها تاكل من النار وتنصاع

القصيده اربع وجيه
واسم المقصود موجود
ووجه منها من بيتين

من يقدر يطلع الحل او حل واحد؟
للمعلوميه القصيده على لحن
شيلة روحي توفت لجل عينك شهيده

قارا34
الحب عدو النفس اذا انعدم من الشرف والاحسان.

الموضوع الأصلي: ياهيه يالي تنكتب لك نشيده(قصيده اربع وجيه) | | الكاتب: عذاريب | | المصدر: شبكة بني عبس