[سعد الشقل]

بحر الخليج

سلام ياعبس العريقه ياعزيزين الجنـاب=قبيلة(ن)غطى على شبه الجزيـره طيبهـا
ياصاحبي سقها مثل سوق الهبايب للسحاب=مجالهـا مفتـوح مـن يبديبهـا يبديبهـا

السبع الضاري

يا مرحبابك يالمسلـم لامـلام ولاعتـاب=في منتدى قومٍ يوفي خاطـرك ترحيبهـا
سقت الطراقي فوق رجليها حفايا بلا ركاب=ماني بعاجز والمسافـه يابحـر يقريبهـا

بحر الخليج

فيك البقا والنور واضح مايغطيـه الضبـاب=-والسالفه ماهـي خفيـه يارجـل وادريبهـا
بعض الطراقي لو تجي وتروح ماهي بالحساب=ياشيب عيـن اللـي يناحيهـا بعـد ياشيبهـا

السبع الضاري

البر يغري والبحرحطو علـى أطرافـه تـراب=وسود الليالي مانت عالم يابحـر فـي غيبهـا
طرد السراب يوهق اللي ما عرف ويش السراب=ولو نعلم الخيره نبا نصبـح بهـا

ونمسيبهـا

بحر الخليج

خلك على اطراف البحر لاتحط في وزنك زهاب=تلقـى الـدرر واللـول والمرجـان وتعشيبهـا
انته من اسباع السهل والا من اسباع الهضـاب=واسبـاع هالايـام والله مانـعـرف ترتيبـهـا

السبع الضاري

حلال قوم اجمعه عسى يحل ابـه الذهـاب=فرقاه لالاماه رجلـي سالمـه وامشيبهـا
انا من اسباع الصواعق والزلازل والشهاب=لاقدرالله كارثه حـول الخليـج احريبهـا

بحر الخليج

ماقلتلك ياصاحبي تجمع منه عقرب وداب=ان جتك نعمه ووقعت بيديـك لاترميبهـا
مال الصواعق والزلازل لافهود ولاذياب=حنا على ارض الله ونعرف ياعميلي ذيبها

السبع الضاري

ياصاحبي رحلتك مدري بالذهاب او بالإياب=وش عملةٍ تمشيبها وش عملةٍ تشريبهـا
العلم واسع ماقريت العلم كله فـي كتـاب=ارض الله اكبر من نفوسٍ معتريها ريبهـا

بحر الخليج

ياصاحبي والليل روح مابقى غير الغيـاب=والناس بالمسجـد وقـام امامهـا يدعيبهـا
خلنا نختمها دام هذا الليل مع حضرتك طاب=ومن بعدها نبي نتلاقا بليلـة(ن) نسريبهـا

الموضوع الأصلي: بحر الخليج والسبع الضاري | | الكاتب: سعد الشقل | | المصدر: شبكة بني عبس

[سلمان]

مشكوووووووووووور يابن العم


وصح لسان بحر الخليج والسبع الضاري

[فهد المويسه]

محاوره رائعه بين شاعران متميزان

ومشكو ريا سعد على تنسيقها

وتقبل سلامي