[وضاح اليمن]

مساكم خير وصباحكم خير ان شالله اخواني رواد هذا الصرح الشامخ بعد الاتكال على الله والتشاور مع وجها الشبكه تم تشكيل فريقنا الجديد فريق وضاح اليمن وتم الانفصال عن فريق العمده لللاسباب التاليه اولا ابو تركي نكن له كل محبه وتقدير ولكن الرجال ترقا ولا يسمحله موقعه بالتنازع مع احد ثانيا التقدم بالعمر له دور نطلب له الصحه والعافيه والفرق تبي شباب ودماء جديده
اما فريقنا يتكون من الاخوه التاليه اسمائهم

ريس الفريق وضاح
المورخ الكبير برق الشمال
الشاعر القدير المعزب
رفيق الدرب البرمكي
الشاعر الفذ عساف
طيب الاخلاق والسمعه سعد عادي
مراسل الفريق الاخ بن مشيلح
مندوب الفريق ابو صوط
مفلح المهيمزي
الريس الفخري العمده

والباب مفتوح للانظمام وعلى الفرق الاخرى اعادة تشكيلها من جديد والاستعداد للمواجهه الربيع على وشك الانتها والعطل انتهت

الي يبا فريقنا مرحبابه= الباب مفتوحن سنه مايسكر
ومن عافنا يعلن لشن الحرابه= انعلمه للحرب بالفر والكر
حنا على وضح النقا لاعصابه= واللي يبينا للحرايب يبكر
ونخص مانهو ساكنن وسط لابه= كانه نسا لفعالنا له نذكر ههههههههه

الموضوع الأصلي: بعد الاتكال على الله | | الكاتب: وضاح اليمن | | المصدر: شبكة بني عبس

[البرمكي]

موفق ياخو مزنه وانا اقول بادي الرجم ولا حردان رايح يشكلون فريق جديد ضدنا

[ناصر خنيفر]

موفق ياخو مزنه لكن كان الفرق الثانيه اكلت وجهك انا مالي شغل

[ساري الغدرا]

معروف عنك انك عشيق الطلابه = لكن خل ابو الغداري يفكر

الحمض ياوضاح محدن وطابه = جوك صفالك بس جوي معكر

فريقنا بقيادة قسور غابه = يلفي عليك بليل والا مبكر

ياللي تنجد في رجال الرقابه = صولاتنا يوم الوغى ماتنكر

[ساري الغدرا]

المجال مفتوح للكل يحق له المجارااه وليسى المحاورة

الحروب انتها مفعولها من يوم خليتو العمده مراقب =مير شوفو لنا مشرف جديد وخلو المنتدا يرجع زمانه

في زمانً وجب فيه التغاضي والتسامح مع الاجواد واجب = وكل شيخً دخل بالمجد والسلطان محفوظ بالدوله مكانه

[بادي الرجم]

أبشرك فريق السحالي جاهز للمواجهه مع المرتزقه اللي سببوا المشاكل وابادوا نص الشعب هههههههههههههه
بادي الرجم
حردان السحلي
برفسور الشعر
ساري الغدراء
جديد شاعر
الدرباووي
فازع الرشيدي
عم الشعراء

ولا تحسب أنك تبي تنعم بالراحه يابو يمن


أبشر بسم ٍ لا شربوه الذيابه = ما عاد تقدر ياليماني تفكر ههههه
حنا السحالي كان تبغى الاجابه = نقوه ولا فينا عميل ٍ مهكر ههههه
اصحابنا لاجات تلقى الصحابه = والا عدانا تذوق مر ٍ مسكر هههههه
وفريقكم تال الزمن واعذابه = أحد ٍ صفى جوه والاخر معكر هههههههههه

[بادي الرجم]

الله الله يابو الغداري وعليك بالمرتزق الزيدي وحزب الشيطان هههههههههههههههه

[عم الشعراء]

الله عليكم
مادمن ابا الغداري معنا والله ان مابعينا بلا
ذيوبان والله يعز القبيله اللي هو فيها
حيلكم فيهم وانا خلوني اخر واحد